ԿԱ՞ ԱՐԴՅՈՔ ՊԼԱՆ «Բ»
ԿԱ՞ ԱՐԴՅՈՔ ՊԼԱՆ «Բ»
Դեռևս մինչ կմեկնարկեր պաշտոնական քարոզարշավը, արդեն ղժղժղան-պաշտոնակատարը սկսել էր մարզային «այցելությունները» աշխատանքային ժամերին։ Ինչպես այդ ժամանակ, այնպես էլ բուն քարոզարշավի ընթացքում գործի էր դրվել ողջ պետական համակարգը։ Այս աստիճանի վարչական ռեսուրսի կիրառում Հայաստանի պատմության մեջ չէր եղել։ Քարոզարշավ կոչեցյալի ժամանակ, ղժղժղան-պաշտոնակատարի հրահանգով տեղի ունեցան բռնություններ ընդդիմադիրների նկատմամբ։
Հարց է ծագում, այս ամենն ինչի՞ համար։ Շատերն այն մեկնաբանում են, որպես ցուցադրություն, որ ղժղժղանն ուզում է ցուցադրել, թե իբր դեռևս ունի համակիրներ, իսկ բռնություններն ընդամենը հուսահատության ճիչեր են։ Հասկացանք, բայց նորից եմ հարցս կրկնում․ ինչու՞, երբ այդ շրջիկ, բերովի «կողմնակիցները» դեռ հարց է թե ինչպես կքվեարկեն։
Պատասխան․
Այդ ամբողջ բերովի, շրջիկ «ժողովուրդն» ընդամենը ֆոն է։ Ֆոն է, քվեարկության օրը նախապատրաստվող զանգվածային կեղծիքների համար։ Իսկ դուք կասկածու՞մ եք։
Այսօր ղժղժղանի թիմում է աշխարհահռչակ մասնագետ, կեղծիքների և ընտրակաշառքների ռահվիրա Գագիկ Ջհանգիրյանն, ինչպես նաև «փորձառուներ» Գուրգեն Արսենյանը, Խաչատուր Սուքիասյանը, Վիգեն Խաչատրյանը։
Այնպես որ ինձ հետաքրքրում է, թե գոնե այս անգամ ընդդիմությունն ունի՞ պլան «Բ»․․․
Ավետիք Իշխանյանի ֆեյսբուքյան էջից