«Զանգեզուրյան միջանցք»-ի վերաբերյալ գրեթե բացահայտ խոսում են փորձագիտական մակարդակում, դիցուք, Թուրքիայի պետական «Անադոլու» գործակալության հարթակում
Դիտել նաև
«Բաքվի իրական նպատակը Հայաստանի կենսական կոմունիկացիաների խաթարումն է»․ Վարդան Ոսկանյան
Ներքին Ոսկեպարի փոխարեն արտաբերելով «Աշաղը Աքսիպարա», ջուր ենք լցնում թշնամական քարոզչության ջրաղացին. Վարդան Ոսկանյան
Մանկամտություն է հավատալ, թե Բաքվի վարչախումբը երբևէ կճանաչի ՀՀ որևէ տարածքային ամբողջականություն
Խնդիրը մեկն է՝ դժվարացնել Իրան-Հայաստան-Վրաստան-Ռուսաստան հաղորդակցության ուղին․ Ոսկանյան
Ինչ ամոթ է, որ որպես ազգ և պետություն, մեզ փորձում են ծնկի բերել հենց Երևանից. Վարդան Ոսկանյան
Թուրքիայում և Ադրբեջանում պաշտոնյաների մակարդակով համարյա չեն հայտարարում այն մասին, որ Բաքվի բռնապետի կողմից պարբերաբար դաշտ նետվող «Զանգեզուրյան միջանցք» կոչեցյալի երազանքը վերջնահաշվարկում դեպի Կենտրոնական Ասիա ելքի համաթուրանական ծրագրի ամենակարևոր բաղադրիչներից մեկն է։
Մինչդեռ սրա վերաբերյալ գրեթե բացահայտ խոսում են փորձագիտական մակարդակում, դիցուք, Թուրքիայի պետական «Անադոլու» գործակալության հարթակում, որտեղ Բաքվի «Խազար» համալսարանի դոկտոր Թ․ Նյուսրաթօղլուն երեկ ուղղակի հայտարարել է՝ «Զանգեզուրյան միջանցքի բացումը շատ կարևոր է, քանի որ այն կկապի Նախիջևանը Ադրբեջանի այլ տարածքների հետ, ինչպես նաև կվերականգնի տրանսպորտային և երկաթուղային կապը Թուրքիայի ու Ադրբեջանի և այլ թյուրքական հանրապետությունների միջև»։ Եթե ուշադիր լինենք, ապա խոսք է գնում ոչ թե Կենտրոնական Ասիայի՝ որպես տարածաշրջանի մասին, այլ հենց շեշտվում են «թյուրքական հանրապետությունները»։
Իհարկե այս ամենն արվում է «տարածաշրջանային բարգավաճման գործընթացներին Հայաստանին մասնակից դարձնելու» գեղեցիկ փաթեթավորմամբ քարոզչական «գովազդով», ինչն, ըստ էության, համաթուրանական այս ծրագրում ոչինչ չի փոխում։