Դիերի և մասունքների ոչ պատշաճ պահման փաստի հետ կապված ուզում եմ նախ ներողություն խնդրել բոլոր հարազատներից․ Անահիտ Ավանեսյան
Դիտել նաև
Պետական առողջապահական գործակալության պետի պաշտոնի համար մրցույթը առնախն առցանց չի հեռարձակել
Ավանեսյանին ծանուցագիր կուղարկեն. Թորոսյանի հարցաքննությունից հետո նախաքննական մարմինը փակուղի է մտել
Տեսակցություն փաստաթղթով. Անահիտ Ավանեսյանը հերթական աբսուրդ հրամանն է ստորագրել
«Արմանն ինչ կուզի, ինչպես կուզի կանի ու ես իր կողքին եմ լինելու միշտ». Անահիտ Սիմոնյան
Անահիտ Սիմոնյանի և որդու հանգիստը Հունաստանում. Լուսանկարներ
«Հարգելի հայրենակիցներ, երեկ Դատաբժշկական կենտրոնի Աբովյանի մասնաճյուղում արձանագրված դիերի և մասունքների ոչ պատշաճ պահման փաստի հետ կապված ուզում եմ նախ ներողություն խնդրել բոլոր հարազատներից: Իմ բացթողումն է եղել, որ որոշակի տեղափոխություններից հետո նորից անձամբ չեմ այցելել և համոզվել դիակների պահպանման մանրամասներին:
Վստահեցնում եմ, որ վերջին տարում Դատաբժշկական կենտրոնը արել է հնարավորը դատաբժշկական փորձաքննությունները և նույնականացման գործընթացը ապահովելու համար:
Ինչպես երեկ նշվել էր Առողջապահության նախարարության պաշտոնական հաղորդագրության մեջ արձանագրված փաստի հետ կապված կիրականացվի ծառայողական քննություն՝ համապատասխան հետևանքներով:
Հարկ եմ համարում նորից նշել, որ նախարարությունը միշտ աշխատել է ապահովել թափանցիկ տեղեկատվություն և մշտապես կապի մեջ է զոհերի հարազատների հետ:
Այսօր Դատաբժշկական կենտրոնը նորից տեղեկատվություն կհրապարակի դիակների և մասունքների փերձաքննությունների ընթացքի և արդյունքների վերաբերյալ: Նշեմ, որ դիահերձարաններում գտնվող դիերը և մասունքները արդեն իսկ փորձաքննված են և տեղեկատվությունը արդյունքների մասին մշտապես հասանելի է եղել հարազատներին»։
Անահիտ Ավանեսյանի ֆեյսբուքյան էջից