Су-30СМ-ի միայն 1 ժամ թռիչքի վառելիքը ՀՀ բյուջեի վրա նստում է 40 հազար դոլար. Արամ Գևորգյան

1 Су-30СМ-ի շուկայական արժեքը 50 միլիոն դոլար է։ ՀԱՊԿ անդամ երկրների համար դրանք վաճառվում են 22,5 միլիոն դոլարով։

Ըստ բաց աղբյուրների՝ մենք ունենք 4 Су-30СМ, և նախատեսում ենք 8-ն էլ գնել։ Որքանով ես եմ տեղյակ՝ դեռևս վճարվել է 4 ինքնաթիռի համար, այսինքն 90 միլիոն դոլար միայն 4 կործանիչի համար, որոնք այս պատերազմում ոչ մի օգուտ չեն տվել մեզ, դեռ մի բան էլ առանց հրթիռների են եղել։

Սա ասում եմ նրա համար, որպեսզի սրանից հետո, երբ նիկոլն ու իր երիտթուրքերը կխոսեն, որ 2,5 տարում չեն կարողացել նախկինների թալանածը հետ բերել, որպեսզի բանակը հզորացնեն, նրանց պարզապես հիշեցնեք, որ նախկինների «չթալանած» 90 միլիոն դոլարով իրենք գնել են 4 մետաղի ջարդոն, որոնց միայն 1 ժամ թռիչքի վառելիքը ՀՀ բյուջեի վրա նստում է 40 հազար ԱՄՆ դոլար։ Իսկ այդպիսի ինքնաթիռները, անկախ պատերազմից կամ խաղաղությունից, պետք է պարբերաբար թռիչքներ կատարեն տեխնիկական անհրաժեշտությունից ելնելով։

Օրինակի համար նշեմ, որ կառավարական դանդալոշ ուղղաթիռը, որով նիկոլը սիրում էր վոյաժներ անել տարբեր մարզեր, նախորդ թռիչքի կատարման օրվանից ոչ ուշ, քան յուրաքանչյուր 22-րդ օրը պետք է ստուգողական թռիչքներ իրականացնի։ Դե մնացածը դուք հաշվեք, թե 4++ սերնդի կործանիչներին ինչ խնամք ա անհրաժեշտ ու ինչ թվեր ա դա նստում բյուջեի վրա։

Դրա զուգահեռ իրականությունում հերոս տղերքին նախարարությունից պատասխանում են, որ քեզ պետպատվեր չի հասնում, փող չկա...

Արամ Գևորգյանի ֆեյսբուքյան էջից