Այս ամենը Փաշինյանի արածն է, հետևաբար` ես չեմ հասկանում, թե ինչու է արգելափակվում Պաշտպանության նախարարության շենքը
Դիտել նաև
«Դատել ոչ թե խոսքերով, այլ գործերով». Փաշինյանն իրոք բարելավու՞մ է հարաբերությունները ՌԴ-ի հետ (տեսանյութ)
«Արևմտյան Ադրբեջանին» սպասելի՞ս. Բենիամին Մաթևոսյան. Տեսանյութ
Հայաստանը՝ աշխարհաքաղաքական աճուրդում. Տեսանյութ
Փոփոխության այլընտրանքը թուրքական տանկերն են Երևանում. Բենիամին Մաթևոսյան. Տեսանյութ
Հասկանու՞մ եք, թե ինչ կետի ենք հասել, որ բացահայտորեն մատնանշվում է թուրքական ներկայությունը Երևանի և Ստեփանակերտի հարաբերություններում
Ո՞վ հայտարարեց, որ «Արցախը Հայաստան է, և վերջ»: Ո՞վ ասաց, որ իրենք բանակցությունները սկսում են «զրոյական կետից»: Ո՞վ չհարգեց ԵԱՀԿ Մինսկի խմբի համանախագահների կարծիքները և պահանջեց, որ պաշտոնական Ստեփանակերտը նստի բանակցությունների սեղանի շուրջ` Երևանի և Բաքվի հետ միասին: Ո՞վ հրաժարվեց սահմանների դիտարկման պայմանավորվածություններից և դրանք փոխարինեց Դուշանբեի վերելակում կնքված պայմանավորվածությունների հետ:
Ո՞վ 2020 թվականին ներկայացրեց հուլիսյան մարտերը մեկ դիրքի համար, որպես «Նոր Սարդարապատի ճակատամարտ» և ստեղծեց Casus belli Ալիևի համար, երբ պատերազմ չսկսելը նշանակում էր կորցնել իշխանությունը: Ո՞վ չի դադարեցրել պատերազմը հոկտեմբերի 19-ին: Կապիտուլյացիոն ակտի ստորագրումից հետո ո՞վ չի դրել պայման՝ վերադարձնել բոլոր գերիներին մինչ հայկական բանակի լքի Քարվաճառը և Լաչինը: Ո՞վ է իր կեղծիքների համար պատասխանատվությունը գցում Պուտինի վրա: Ո՞ւմ մամուլի քարտուղարն էր ասել, որ գերիների հետ ինքնաթիռը պետք է Երևան ժամանի ապրիլի 8-ին:
Այս ամենը Փաշինյանի արածն է: Հետևաբար, ես չեմ հասկանում, թե ինչու է արգելափակվում Պաշտպանության նախարարության շենքը: Վաղարշակ Հարությունյանը կարող է նույնիսկ տեղ չունենալ այն ուղղաթիռի վրա, որով հիմա տարհանում են ՊՆ աշխատակիցներին, ի՞նչ կարելի է նրանից պահանջել կամ ակնկալել:
Բենիամին Մաթևոսյանի ֆեյսբուքյան էջից