ՕԳՈՒԹԼԱՄԱ

• Եթե ի սկզբանե արժեք ու նպատակ կարգվեին Օմարից մինչև Արաքս Արցախի պահպանությունը, ապա արևմտյան փողերով հակակոռուպցիոն ծրագրեր չէին իրականացվի, քանզի հայտնի է, որ «… որում բազում աւանդեցաւ, առաւել եւս պահանջեսցեն ի նմանէ» (Ղկ․ 12։48)։

 

• Եթե ի սկզբանե արժեք ու նպատակ կարգվեին Օմարից մինչև Արաքս Արցախի պահպանությունը, ապա բանակի մասին ստապատիր ու բանսարկու հոդվածներ գրող ապագա կապիտուլյանտին ոչ թե «կհրավիրեին» Պռոշյան սովխոզի ճանապարհի ՊՆ նախկին շենքը և կստիպեին լիզել ՊՆ նախարարի կոշիկները, այլ դիակն անհետ կկորցնեին, քանզի հայտնի է, որ «ամենայն թագաւորութիւն բաժանեալ յանձն իւր աւերի» (Մտ․ 12։25)։

 

• Դու այս ամենը չես անում, եթե ի սկզբանե արժեք ու նպատակ կարգված չեն Օմարից մինչև Արաքս Արցախի պահպանությունը, ու սրա արդյունքում կոշիկներդ լիզած ապագա կապիտուլյանտը, հակակոռուպցիոն ծրագրերի համար փողեր բաժանող Արևմուտքի հետ ուս ուսի, ինքն է քեզ մեղադրում այլոց կոշիկները լիզելու մեջ, դրանով գալիս է իշխանության, ավիրում է Օմարից մինչև Արաքս Արցախը, իսկ նրա դիակի փոխարեն անհետ կորում են Օմարից մինչև Արաքս հայոց ազատության համար ընկած, բայց հայոց ազատությունը բերել չկարողացած մեր զինվորները։

 

• Ու Հայկի սերունդները դեռ երկար պիտի անցնեն իրենց բաժին քավարանի ոլորաններով, մինչև նորից արժանի լինեն Օմարից մինչև Արաքս Արցախի և Կեսարիայից մինչև Ալաբանդ ու Նախիդուրիից մինչև Ռևանդուզ Մեծ Հայաստանի։