Արցախը հանձնել եք ու թուրքը Սյունիքում ու Տավուշում է, վաղը ասելու ե՞ք՝ ինչու սյունեցին կամ տավուշցին շնորհակալ չի լինում, որ իրենց պաշտպանում ենք

Բոլոր այն միաբջիջներին, ովքեր շարունակաբար ասում են «այսքան արեցինք, մի անգամ արցախցին շնորհակալություն չասեց»...

 

Ուրեմն, ամբողջ խնդիրը հենց դրա մեջ է, որ դուք երբեք Արցախը հայրենիք չեք համարել, Հայաստանի մաս չեք համարել: Դրա համար ձեզ նիկոլներ էին պետք, որ հեշտությամբ այն հանձնի թուրքին:

 

Կներեք, ինչի՞ համար պիտի շնորհակալ լինենք: Մի երկիր ենք, մի ազգ ենք ու ցանկացած արտաքին վտանգ բոլորինս է: Արցախի խաղաղ բնակիչները տարիներ շարունակ Հայաստանն էին պահում: Ծնվել ենք պատերազմի մեջ, ապրել ենք միշտ պատերազմի շնչի տակ, մինչ դուք ձեզ համար խաղաղ Երևանի փողոցներով էիք ֆռֆռում:

 

Հիմա, որ Արցախը հանձնել եք ու թուրքը Սյունիքում ու Տավուշում է, վաղը ասելու ե՞ք՝ ինչու սյունեցին կամ տավուշցին շնորհակալ չի լինում, որ իրենց պաշտպանում ենք...

 

Կանգ առե՛ք, մենք ինքնակործանվում ենք: Այս տեմպերով մեզ նույնիսկ արտաքին թշնամի պետք էլ չէ...

 

Հ.Գ. տենց լավ չէ, մի հատ էլ Ադրբեջանի հետ միացեք ու մեզ պատերազմ հայտարարեք: