Սեյրան Օհանյանը սկզբունքային մարդ է. Տիգրան Կարապետյան
Այսօր լրագրողների հետ զրույցում Ժողովրդական կուսակցության նախագահ Տիգրան Կարապետյանը ևս մեկ անդրադարձավ Սեյրան Օհանյանի կողմից ձևավորվող դաշինքին:
«Ինչու դաշինք, որովհետև ակնհայտ է, որ դաշինքի պահանջներ կան, դաշտը պետք է համախմբվի, միշտ ենք դա ասել, բայց չի ստացվել: Երկրորդը, ինչու՞ Սեյրան Օհանյան, որովհետև բոլորին գիտեմ, բոլոր կուսակցությունների, դաշինքների կարողություններն ու մոտեցումները գիտեմ, շատ դեպքերում աթոռակռիվ է գնում, ուզում են խորհրդարան անցնեն, մեծ նպատակներ չկան: Իսկ Սեյրան Օհանյանը Արցախի հերոս է, մաքուր մարդ, անձնապես ճանաչում ու համակրում եմ: Այդտեղ կա Վիկտոր Դալլաքյանը, ում ևս համակրում եմ: Ամենակարևորն այն է, որ բաց դաշինք է, ոչ թե ընրում են, այլ հրավիրում են բոլորին, - ասաց նա, հավելելով, - Իշխանավորները խուճապի մեջ են, որովհետև դաշինքի մեջ գտնվող բոլոր մարդիկ իշխանության շարքերից են դուրս եկել ու շարունակում են դուրս գալ: Դա հենց այնպես չի լինում, որովհետև անվստահություն կա»:
Ըստ Տիգրան Կարապետյանի Սեյրան Օհանյանը «սկզբունքային մարդ է», որին լուրջ պաշտոններ են առաջարկվել, բայց նա մերժել է:
Zham.am
Հետևեք մեզ Facebook-ում