Խաչատուր Սուքիասյանը հանդիպման է կանչել լրագրող Նաիրի Հոխիկյանին ու պահանջել չքննադատել Նիկոլ Փաշինյանին
«Սիլ կոնցեռնի» նախագահ Խաչատուր Սուքիասյանը շարունակում է ծառայություններ մատուցել իշխանություններին։ Արտահերթ խորհրդարանական ընտրություններից առաջ Սուքիասյանը «որս» է սկել հատկապես մեդիադաշտում հայտնի դեմքերի նկատմամբ։
«Փաստինֆո»-ի տեղեկություններով՝ Սուքիասյանն հանդիպման է կանչել սոցցանցերով իշխանություններին բավական ակտիվ քննադատող լրագրող, թուրքագետ Նաիրի Հոխիկյանին։ Այն կայացել է փակ ֆորմատով։ Սուքիասյանը առաջարկ-պահանջ է ներկայացրել Հոխիկյանին՝ դադարեցնել իշխանությունների և հատկապես Նիկոլ Փաշինյանի հասցեին սուր քննադատություններով հանդես գալը։
«Փաստինֆո»-ի տեղեկություններով՝ իշխանություններն ու իշխանամերձ օլիգարխները, նրանց թվում «Գռզո» մականունով հայտնի Խաչատուր Սուքիասյանը, լծվել են սոցցանցերում Փաշինյանի ընդդիմախոսներին լռեցնելու գործին։ Մասնավորապես՝ կատարվում է ակտիվ մոնիտորինգ, որի արդյունքում անհատականացվում են ակտիվ քննադատներն ու փորձում արվում «վերբովկա» անել նրանց։
Լրատվամիջոցը տեղեկատվությունը կիսատ է հրապարակել, որևէ մեկը, որևէ պահանջ ինձ չի ներկայացրել: Սուքիասյանի հետ հանդիպումը կայացել է, ինչպես նաև մի շարք այլ անձանց հետ: Սուքիասյանը ներկայացրել է ներքաղաքական հարցերի շուրջ իր տեսակետը, ես՝ իմ:
Այս մասին Auroranews-ի հետ զրույցում ասաց լրագրող Նաիրի Հոխիկյանը՝ անդրադառնալով այսօր մամուլում շրջանառվող այն տեղեկատվությանը, թե ինքը հանդիպել է գործարար Խաչատուր Սուքիասյանին և պահանջ ստացել չքննադատել Նիկոլ Փաշինյանին:
«Ներքաղաքական, տնտեսական հարցերի շուրջ հանդիպում կայացել է և ես ներկայացրել եմ իմ առարկությունները, իմ քննադատությունները իշխանության հասցեին, ինքն էլ՝ իր տեսակետը»,-ասաց Հոխիկյանը:
Հետևեք մեզ Facebook-ում