Վարչապետի աշխատակազմը դատական ակտերը մեկնաբանելու լիազորություն չունի. Օնիկ Գասպարյանի փաստաբան. Տեսանյութ

Ոչ ոք չի կարող չկատարել դատական ակտը, ավելին՝ եթե պաշտոնատար անձը չի կատարում դատական ակտը, ապա դրանով նախատեսված է քրեական պատասխանատվություն՝ ՀՀ քրեական օրենսգրքով։ Այս մասին «Փաստինֆո»-ի եթերում ասել է ՀՀ ԶՈՒ ԳՇ պետք Օնիկ Գասպարյանի փաստաբան Արթուր Հովհաննիսյանը։ 

Ըստ նրա՝ որևէ կապ չունի, որ ԴԱՀԿ-֊ն գործադիրի մաս է, շատ գործեր կան գործադիրի դեմ, բայց հարկադիր կատարում է, նույնիսկ գումարի բռնագանձման գործեր կան, որ եթե պետությունը կամավոր չի մուծել կամ ուշացրել է և անձը դիմել է ԴԱՀԿ, ապա ԴԱՀԿ-֊ն իր քայլերն անում է։ Փաստաբանի դիտարկմամբ՝ ԴԱՀԿ֊-ն չի կարող ընտրովի մոտեցում ցույց տալ և չի էլ ցույց տալիս, անկաշկանդ աշխատում է։ Ինչ վերաբերում է սույն դեպքին, ապա փաստաբանը գտնում է, որ Հարկադիրը որևէ կոնկրետ ակտիվ քայլ չի անելու, ընդամենն արձանագրելու է, որ կա հայցի ապահովման միջոց, վարույթ հարուցելու մասին որոշումն ուղարկելու է կողմերին և տեղեկացնելու որոշման մասին։

Անդրադառնալով դատարանի որոշման վերաբերյալ վարչապետի աշխատակազմի հայտարարությանը՝ փաստաբանը նշեց, որ պատասխանողը վարչապետն է և վարչապետի աշխատակազմը վարչապետի անունից հանդես գալ չի կարող, վարչապետի աշխատակազմի կանոնադրության մեջ ոչ մի տեղ չենք գտնի, որ այդ աշխատակազմի ինչ- որ դատական ակտեր մեկնաբանելու, կատարել-֊չկատարելու վերաբերյալ մեկնաբանություն անելու լիազորություն է տրված։ Նա նկատեց՝ կառավարության աշխատակազմի հայտարարությանը ոչ մի ազդեցություն ունենալ չի կարող, բայց երբ ակտիվորեն խոչընդոտ կլինի Օնիկ Գասպարյանի հանդեպ՝ իր ծառայողական լիազորությունների իրականացնելիս, ապա այդ դեպքում համապատասխան հաղորդումներ կներկայացվեն։

Մանրամաները` տեսանյութում: