Այսօր-վաղը կարծում եմ՝ որոշում կհրապարակվի արտահերթ ընտրությունների օրվա հետ կապված. Ռոմանոս Պետրոսյան
Իշխանությունն առաջիկայում պատրաստվում է գնալ արտահերթ ընտրությունների եւ այսօր-վաղը կարծում եմ՝ որոշում կհրապարակվի օրվա հետ կապված: Այս մասին, այսօր՝ մարտի 18-ին, կառավարության նիստից հետո լրագրողների հետ ճեպազրույցի ժամանակ նշեց շրջակա միջավայրի նախարար Ռոմանոս Պետրոսյանը:
Հարցին, թե ինչը ստիպեց նորից վերադառնալ այդ օրակարգին, նա պատասխանեց. «Այդ օրակարգին ստիպեց վերադառնալ այն, որ չնայած խորհրդարանական եւ արտախորհրդարանական ընդդիմության կողմից հնչեցված մերժումներին՝ արտահերթ ընտրություններով հանգուցալուծելու երկրում քաղաքական ճգնաժամը, ինքը ճգնաժամը չէր հանգուցալուծվում մեր գնահատականով: Պետք է արձանագրենք նաեւ, որ ընդդիմության փողոցային պայքարն էլ որեւէ էական նշանակություն չունեցավ եւ նաեւ մեր հանրության կողմից չողջունվեց: Այնուամենայնիվ, մեր որոշումը մնում է ուժի մեջ՝ արտահերթ ընտրություններով գնալու սահմանադրական ճանպարհով»:
Հետևեք մեզ Facebook-ում