Լուսանկարի հետնապատկերում հենց Հարսի ժայռն է՝ Հարսնաքարը

Ատրպատականի իրանական հին լեզվի բարբառներից մեկը դեռևս առանձին տարեց բարբառակիրների մակարդակով պահպանող Հայաստանի սահմանից ոչ շատ հեռու գտնվող Գալին Ղայե գյուղի գյուղապետի հետ դեռևս 2019թ հաստատված ընկերությունն այնքան ամուր է, որ այսօր նա կրկին հրավիրում է այցելելու Ատրպատական և իրենց հինավուրց գյուղ։ 

Լուսանկարի հետնապատկերում հենց Հարսի ժայռն է՝ Հարսնաքարը, որի անունով էլ գյուղն ատրպատականյան թյուրքերենով կոչվում է Գալին Ղայե։

*** 

Կայսրությունները հետաքրքական երևույթ են։ Հայրական գծով տուվացի (տուվացիները բուդդայական թյուրքալեզու ժողովուրդ են), դավանանքով ուղղափառ Ռուսաստանի պաշտպանության նախարարը ղազախական (ղազախները թյուրքալեզու ժողովուրդներից են) «Թենգրինյուզ» կայքին (Թենգրին թյուրքական ժողովուրդների մինչիսլամական գլխավոր աստվածությունն էր, որի պաշտամունքը մասնակիորեն մնացել է նաև ՌԴ Տուվայում) տված հարցազրույցում կտրուկ դեմ է արտահայտվում, այսպես կոչված, համաթյուրքական բնույթ կրող «Մեծ Թուրանի» և «Թուրանի բանակի» պատրանքային գաղափարներին։ 

Ի դեպ, լրագրողի հարցում ուշագրավ պահ կա․ հարցնելով այս ամենի մասին, նա օգտագործում է «идея воссоздания "Великого Турана"» («Մեծ Թուրանի» վերստեղծման գաղափարը»), մինչդեռ ոչ մի «Մեծ Թուրան» մարդկության պատմության ողջ ընթացքում երբեք ստեղծված չի եղել, որպեսզի լինի դրա «վերստեղծման» գաղափար։

#հարափոփոխ_տարածաշրջանը

Իրանագետ Վարդան Ոսկանյանի ֆեյսբուքյան էջից