Վտարե՛ք քաղաքական կյանքից նրանց, ովքեր ձեզ խոստանում են առաջավոր մարդկության լավ վերաբերմունք` առանց որևէ սառը հիմնավորումների. Ստեփան Դանիելյան

Երբ աշխարհը բաժանված էր երկու ճամբարների' պայմանական սոցիալիստականի ու պայմանական կապիտալիստականի, ամեն ինչ հստակ էր' սահմանները' կայուն, կյանքը' կանխատեսելի։ Ցնցումներն ու պայքարն ընթանում էին "աշխարհի ծայրերում" - Վիետնամում, Կորեայում, Աֆղանստանում, Կոնգոյում ...: Կայունության գոտում ապրող ազգերը կարող էին իրենց թույլ տալ լինել քաղաքականապես տգետ' մեկ է, իրենք չէին որոշումներ կայացնում։