Ալեն Սիմոնյանը կվճարի նաև 100 հազար ՀՀ դրամ գումար՝ որպես փոխհատուցում.Ալեքսանդր Կոչուբաև
Համաձայն եմ, որ պետք է քննարկումներ լինեն, սակայն գործընթացներն այնպես պետք է գնան, որ համապատասխանեն Սահմանադրության պահանջին։ Սա կարևոր է յուրաքանչյուր քաղաքացու համար։ Այս մասին լրագրողների հետ զրույցի ժամանակ ասաց ԱԺ «Իմ քայլը» խմբակցության պատգամավոր Նիկոլայ Բաղդասարյանը՝ անդրադառնալով ՀՀ նախագահի հանդիպման առաջարկին։
Հարցին՝ կա՞ արդյոք այն քաղաքական միջավայրը, որը հնարավորություն կտա քաղաքական հակամարտող ուժերին նստել մեկ կլոր սեղանի շուրջ, պատգամավորն ասաց․ «Կարծում եմ՝ ոչ։ Երբ մարդիկ հանդես են գալիս այս կամ այն քաղաքական ուժի տեսակետից, այնուհետև ասում են, որ ուզում են միջնորդեն, որպեսզի իրավիճակի հանգուցալուծում լինի, նրանք չարաչար սխալվում են։ Նրանք պետք է մնան չեզոք դիրքերում, այդ թվում նաև ինստիտուտները, ՀՀ նախագահը պետք է պահպանեն այդ չեզոքությունը։ Եթե խոսում ենք նրա մասին, որ դիսկուրս լինի և ինչ-որ մեկը պետք է լինի արբիտր, այդ արբիտրը պետք է չեզոքության դիրքում հանդես գա։ Անձը հայտարարում է, որ պետք է վարչապետը հրաժարական տա, չի ասում, որ հարգելի ընդդիմություն ձեր կողմից այս խնդիրներն եմ տեսնում, հետևաբար կորցնում է չեզոքությունը»,-ասաց պատգամավորը։
Անդրադառնալով Արտակ Դավթյանին ԳՇ պետի պաշտոնում նշանակելու վերաբերյալ առաջարկությունը հետ ուղարկելուն, պատգամավորը նշեց, որ դա նորմալ գործընթաց է համարում․ «Եթե հետքայլ կատարենք, հասկանանք՝ արդյոք ԳՇ պետի ազատման գործընթացում նախագահի հայտարարությունում կար սխալ, ասեմ՝ ոչ։ Նախագահը շատ ճիշտ էր ներկայացնում, որ ինքն այդտեղ մեծ լիազորություն չունի, բավարար է վարչապետի առաջարկությունը»,-նշեց Նիկոլայ Բաղդասարյանը։
Հետևեք մեզ Facebook-ում