Վիկ Դարչինյանն անվանի մարզիկների ուշադրությունը հրավիրել է հայ գերիների խնդրին
Պրոֆեսիոնալ բռնցքամարտի թեթևագույն քաշային կարգում աշխարհի նախկին բացարձակ չեմպիոն Վիկ Դարչինյանը հանդես է եկել հայտարարությամբ:
«Կոչով դիմում եմ աշխարհահռչակ բոլոր սպորտսմեններին.
Հարգելիներս.
Իմ երկրում՝ Հայաստանում, հիմա լուրջ խնդիրներ կան, որոնցից ամենաառաջնայինը մեզ համար, մեր գերիների վերադարձն է դեպի հայրենիք: Աշխարհի բոլոր սպորսմեններին դիմում եմ և խնդրում եմ, մի եղեք անտարբեր և միացեք իմ կոչին, որպեսզի Ադրբեջանի ղեկավարությունը վերադարձնի մեր հայ գերիներին, որոնց պահում են բանտարկյալների նման:
Պատերազմը ավարտվել է. հազարավոր զոհեր ունեցանք, հազարավոր ընտանիքներ դժբախտացան, բայց կան փրկված զինվորներ, ովքեր դեռ կարող են տուն վերադառնալ:
Խնդրում եմ բարձրաձայնել այս խնդիրը, որպեսզի մեր հայ գերիներն այլևս փակված չմնան Արդրբեջանի բանտերում, որպես բանտարկյալներ:
Ձեր ընկեր և բարեկամ,
Աշխարհի իննակի չեմպիոն
Վիկ Դարչինյան»,- ֆեյսբուքյան էջում գրել է անվանի բռնցքամարտիկը:
Հետևեք մեզ Facebook-ում