Զարմանալի չէ, որ Արամ Զավենիչն ու Նաիրի Բադալյանն ունեն նույն տեսակետներն ու պատկերացումները. Լուսանկար

Ինչպես հայտնի է, Արամ Զավենիչը համարվում է Հոկտեմբերի 27-ի զոհի հարազատը: Իսկ Նաիրի Բադալյանը նույն գործով անցնում էր կասկածյալի կարգավիճակով: Հետաքրքիր դրվագ ևս: Նաիրի Բադալյանը մինչև հոկտեմբերի 27-ն ակտիվորեն ու սերտորեն աշխատում էր Վազգեն Սարգսյանի շրջապատում: Հոկտեմբերի 27-ից հետո դարձել է կասկածյալ, հետո մի պահ հեռացավ Հայաստանից, իսկ վերջերս ակտիվորեն հանդես է գալիս որպես քաղաքագետ` հակառուսական  ու «ռոբասերժական»  ռեժիմի դեմ պայքարի կեցվածքով:

Ասել, որ սա նրա մազոխիստական դրսևորում է, սխալ կլինի, քանզի Բադալյանը երբևիցե քաղաքական մազոխիզմով չի տառապել, նրան միշտ դրդել է շահը: Թե ինչպես է նա հայտնվել ԱՄՆ-ում և ակտիվորեն զբաղված է ներհայաստանյան կյանքով, այլ խոսակցության թեմա է: Բայց հետաքրքիր է, որ Հայաստանի այս նեղ վիճակում, երբ Արցախը մազից է կախված և այնտեղ ապրողհայերի ֆիզիկական գոյությունը պահպանում են ռուսները, և գրեթե նույն վիճակում է հայտնվել Սյունիքը, այսօր Բադալյանն ԱՄՆ-ից կոչ է անում փակել ռուսական հեռուստաընկերությունները, և Էրդողանի պես մտահոգված է Հայաստանում ռամական հեղաշրջման վտանգվո:

Մի՞թե այս ամենը զուգադիպություններ են: Եվ զուգադիպությու՞ն է արդոք այն, որ երբեմնի Վազգեն Սարգսյանի նեղ շրջապատի ներկայացուցիչները երբ հայտնվեցին իշխանության մեջ` Գագիկ Ջհանգիրյանը, Անդրանիկ Քոչարյանը և այլն, մենք կորցրեցինք Արցախը: Իսկ սրանք արդեն հանդես են գալիս ուլրտաքիրվայական կարգախոսներով:

Բայց ամենազարմանալին այն է, որ այս ամենին միացել է նաև Վազգեն Սարգսյանի եղբայր աշխատող Արամ Զավենիչը: Շատ տխուր ժամանակներ է ապրում Հայաստանը, բայց համոզված ենք, որ գալու է ժամանակը, երբ այս ամենի առեղծվածը բացահայտվելու է, քանզի քանի դեռ մենք չբացահայտենք Հոկտեմբերի 27-ի բաղադրիչը, մենք Հայաստանի ապագան չենք կարող կերտել:

Սա է իրականությունը:

Դավիթ Մկրտչյան: