Էրդողանի հրահանգով թուրք-ադրբեջանական ֆիլմ է ստեղծվելու արցախյան պատերազմի մասին

Մարտի 2-ին Թուրքիայի նախագահի աշխատակազմի հանրային կապերի վարչության ղեկավար Ֆահրեթթին Ալթունն ընդունել է Ադրբեջանի մշակույթի նախարար Անար Քերիմովին:

Հանդիպմանը կողմերը քննարկել են հաղորդակցության, լրատվամիջոցների, մշակույթի, կինեմատոգրաֆի բնագավառներին առնչվող մի շարք հարցեր:

Ալթունը հայտնել է, որ Թուրքիայի նախագահ Ռեջեփ Թայիփ Էրդողանի հրամանով Ադրբեջանի հետ համատեղ իրականացվելու են ֆիլմերի և հեռուստասերիալների նախագծեր, որոնք պիտի անդրադառնան արցախյան պատերազմին, իսլամի կովկասյան բանակին, Խոջալուի դեպքերին և պատմական մի շարք այլ իրադաձրությունների։

Պաշտոնական այցով Թուրքիայում գտնվող Քերիմովը նշել է, որ Ադրբեջանը Թուրքիայի աջակցությունը զգացել է ոչ միայն արցախյան պատերազմի, այլև ողջ պատմության ընթացքում: Ըստ նրա՝ համատեղ արտադրվելիք վավերագրական և խաղարկային ֆիլմերը լինելու են Թուրքիայի ու Ադրբեջանի «բարեկամության ու եղբայրության խորհրդանիշները»:

Աղբյուրը՝ ermenihaber.am