Մարտի 1-ը Նիկոլ Փաշինյանի առաջին համտեսումն էր հայի արյան. Թևանյան. Տեսանյութ

Հանրապետության Հրապարակում Նիկոլ Փաշինյանը հավաքել է հանրահավաք՝ ի պաշտպանություն թուրքական բանակի։ Ամո՛թ։ Այս մասին «Հայրենիքի փրկության շարժման» հանրահավաքին ասաց քաղաքագետը։

Քաղաքագետն ընդգծեց, որ այսօր արտառոց և աննախադեպ բան է տեղի ունենում. ՀՀ մայրաքաղաք Երևանում մարտի 1-ին երկու հանրահավաք է՝ մեկը՝ ի աջակցություն Հայոց բանակի, մյուսը՝ ի պաշտպանություն թուրքական բանակի։
Թևանյանը հիշեցրեց 2008թ մարտի 1-ի իրադարձությունները, երբ Նիկոլ Փաշինյանի հրահրմամբ և կազմակերպմամբ տեղի ունեցավ ոճրագործություն և ողբերգություն, որի հետևանքով 10 հայորդի մահացավ։

«Դա նրա առաջին համտեսումն էր հայի արյան, հետո այդ թիվը տասնապատկվեց, հարյուրապատկվեց, հազարապատկվեց և նա արդեն մոտ 10.000 հայորդու համար է պատասխանատու»,- ասաց Թևանյանը՝ ընդգծելով, որ պատրաստվում է մի շարք կարևոր հարցերի բարձրաձայնել, որոնք հետագայում կդառնան քրեական գործերի հատորների թեմա, մասնավորապես, ով էր պատվիրել Վազգեն Սարգսյանի սպանությունը, ինչ կապ կա Նիկոլ Փաշինյանի և Նաիրի Հունանյանի միջև, ինչու տեղի ունեցավ Մարտի 1-ի ոճրագործությունը և սպանդը, ինչ էր շահելու դրանից գլխավոր շահառուն և ով է գլխավոր շահառուն։

Թևանյանը նշեց, որ կա տարածված տեսակետ, թե քաղաքականության մեջ կա անբարոյականություն, ինչը կա միայն այն դեպքում, երբ քաղաքականությամբ զբաղվում են անբարոյականները։

«ՀՀ ծնունդը, Արցախի պետականությունը և հայոց ազգային բանակը ծնունդ են 1988թ շարժման։ Անբարոյականությունը սկսվեց այն պահից, երբ Ղարաբաղյան շարժման միջոցով իշխանության հասած ոմանք հայտարարեցին, որ Ղարաբաղը բեռ է, որ առանց Ղարաբաղը հանձնելու չենք կարող լավ ապրել, որ միայն Թուրքիայի և Ադրբեջանի միոջոցով էր հնարավոր զարգացնել Հայաստանը, դա ամենակատարյալ․ անբարոյականությունն էր, որի պատասխանը, ցավոք, չտրվեց։ Դա ծնեց Հոկտեմբերի 27, 1995-96թթ կեղծիքներ, 98թ-ից ազատվեցինք դրանից, բայց 2008թ դա վերադարձավ, 2018թ հասավ հաջողության, 2020թ հանձնեց Արցախի պետականությունը և հիմա սպառնում է թուրքական վիլայեթի վերածել Հայաստանը»,- նշեց նա՝ հավելելով, որ Հայաստանում եղել է քաղաքական երկու վեճ, մեկը՝ համարել է, որ Արցախը բեռ է և պետք է ազատվել Արցախից, որ «Սերգո ջանը» լավ ապրի, երկրորդը՝ համարել է, որ պետք է Արցախը պահպանել և զարգանալ՝ չզիջելով։

Թևանյանն ընդգծեց, որ 1997-98թթ «Արցախը բեռ է» հայեցակարգը պարտվել է, մենք ապացուցել ենք, որ Արցախի միջոցով մեր երկրի ամբողջականությունը և անվտանգությունը լիարժեք է դառնում, ապացուցել ենք, որ Արցախի գոյությամբ հնարավոր է զարգացնել տնտեսությունը, բյուջեն, բանակը պահել որպես տարածաշրջանի ամենամարտունակը, իսկ թուրքերին դա ձեռնտու չէր և իրենք ներդրեցին մի հայեցակարգ, թե Հայաստանն ու Արցախն առանձին միավորներ են, որ պետք է փլուզել հայ-ռուսական անվտանգային համակարգը, որ պետք է հեռացնել ռուսական ռազմաբազան և դա առաջադեմ մտածողություն է։

Մանրամասները՝ տեսանյութում:

Zham.am