120 տոկոս աջակցում եմ Նիկոլ Փաշինյանին․ Արմավիրի քաղաքապետ

Նիկոլ Փաշինյանը երեկ հայտարարեց, որ այսօր՝ մարտի 1-ին, ժամը 18։30-ին բոլորին հրավիրում է Հանրապետության հրապարակ՝ հանրահավաքի եւ երթի։ Շրջանառվող տեղեկությունների համաձայն՝ Հայաստանի մարզերից իշխանականներն ու նրանց համար աշխատողները մարդ են հավաքում՝ բազմամարդ հավաք եւ երթ ապահովելու համար։

Արմավիրի ՔՊ-ական քաղաքապետ Դավիթ Խուդաթյանն ասում է՝ մասնակցելու է այսօրվա հանրահավաքին, իսկ քաղաքացիների մասնակցելու մասով նշեց՝ ովքեր նպատակադրված են, կմասնակցեն․ «Իրազեկում ենք արել, որ Արմավիրից շարժվելու ենք ավտոերթով, ովքեր կմիանան, ովքեր չեն միանա, դա քաղաքացու որոշումն է»։

-Ոչ, չի տրամադրվում, ե՞րբ է տրամադրվել։

-Դուք սանիկական կապեր ունե՞ք վարչապետի հետ։

-Ոչ:

-Պարոն Խուդաթյան, խոսակցություններ կան, որ այսօրվա հանրահավաքին մասնակցելու համար մարզերից մարդկանց են տեղափոխում Երեւան։

-Ամեն անգամ, երբ երկրում քաղաքական իրավիճակը սրվել է, ինձ մեղադրել են Նիկոլ Փաշինյանի սանիկը լինելու մեջ։ Բայց Նիկոլ Փաշինյանն իմ քաղաքական թիմի ղեկավարն է, իմ ավագ ընկերն  է, որի համար հպարտ եմ, եթե քավորս էլ լիներ, հպարտությամբ ասելու էի, որ քավորս է։

-Արմավիրում ինչպիսի՞ տրամադրություններ են Գլխավոր շտաբի հայտարարության, ներքաղաքական իրադարձությունների վերաբերյալ։

-Կարծում եմ՝ ամբողջ երկրում նույն տրամադրություններն են։ Էսօրվա իշխանության եւ ընդդիմության հանրահավաքում եղած ժողովրդի քանակից տրամադրությունները պարզ կլինի։

-Ըստ Ձեզ՝ ամբողջ ժողովուրդը Փաշինյանի կողքի՞ն է։

-Ամբողջ ժողովուրդը 2018-ին Փաշինյանի կողքին չի եղել, որ լիներ՝ 100 տոկոս ձայն կտաներ, բայց տարել է 72 տոկոս։

-Իսկ եթե հիմա ընտրություն լինի, քանի՞ տոկոս կտանի։

-Ես չեմ կարող քաղաքացիների կարծիքը վերլուծել։

-Հիասթափություն չե՞ք նկատում հասարակության մեջ։

-Ես Ձեզ առաջարկում եմ գալ Արմավիր, հարցնել քաղաքացիներին, այդ թվում՝ նաեւ իմ գործունեության հետ կապված,  ընտրություններում ստացել եմ աննախադեպ մեծ ձայներ։

-Լավ, Դուք` որպես քաղաքական գործիչ, կասե՞ք, թե Ձեր քաղաքում Փաշինյանի կառավարման վերաբերյալ ինչպիսի կարծիքներ կան։

-Եթե ես Ձեզ ասեմ, որ Արմավիրում ինչ-որ մեկի հետ կապված դրական կամ բացասական իրավիճակ է, ես կխոսեմ բոլոր արմավիրցիների անունից։ Ընտրությունները կլինեն, եթե լինեն արտահերթ ընտրություններ, կտեսնեք՝ ինչ վիճակ է։ Այսօր հանրահավաքին քաղաքացիներն այդ հարցի պատասխանը կտան։ 

-ԳՇ-ի հայտարարությանն ինչպե՞ս եք վերաբերվում։

-Գլխավոր շտաբի հայտարարությունից հետո առաջիններից մեկն եմ եղել, որ միացել եմ վարչապետի կազմակերպած երթին, հետեւաբար պետք է լինի հարցի պատասխանը։ 
120 տոկոս աջակցում եմ Նիկոլ Փաշինյանին եւ Հայաստանի իշխանություններին։

Աղբյուր՝ «Հրապարակ»