Էրդողանը «Բաբաջանյանի շուրթերով» առաջարկում է Փաշինյանին դուրս գալ Ռուսաստանի ազդեցության տակից. տեսանյութ

Պետրոս Ղազարյանի հաղորդման վերջին հյուրերից մեկը Արման Բաբաջանյանն էր, ով հայտնի է իր առավելապես թուրքամետ հայացքներով, ասաց, որ ՀՀ զինված ուժերի գլխավոր շտաբի հայտարարությունն ուղղորդված էր հիմնականում Մոսկվայից: Եվ հենց այս գործոնը հաշվի առնելով՝ Բաբաջանյանը Փաշինյանին խորհուրդ է տալիս մտածել Հայաստանի արտաքին քաղաքականության վեկտորը փոխելու ուղղությամբ:

Միևնույն ժամանակ, Արման Բաբաջանյանն այս առաջարկն անում է՝ վկայակոչելով այն փաստը, որ Ադրբեջանի հետ Հայաստանի սահմաններն ավելացել են ավելի քան 500 կիլոմետրով: Այս աստիճանի ցինիզմը դժվար էր պատկերացնել:

Փաստորեն, Էրդողանը հայությանն առաջարկում է մտնել «իր տիրապետության» տակ, քանի որ «միևնույն է, ռուսները չեն կարողանա պաշտպանել Հայաստանի սահմանները»:

Միևնույն ժամանակ, եթե մինչ այժմ վեճ կար` արդյո՞ք պատահական էր Նիկոլ Փաշինյանի վերջին հայտարարությունը «Իսկանդերի» մասին, թե՞ Նիկոլը դիտավորյալ «փչացրեց» ռուսներին ու ռուսական զենքը, ապա Արման Բաբաջանյանի «շուրթերով» հնչեցվում էր այն գաղափարը, որ «ռուսական զենքն ապացուցեց իր անարդյունավետությունը 44-օրյա պատերազմի ընթացքում» և հենց այդ պատճառով «Մոսկվային վրա հույս պետք չէ դնել»:

Վերջին 30 տարիների ընթացքում Թուրքիայի ազդեցության գործակալները երբեք այդքան անկեղծ չեն եղել և բացահայկ կոչ չեն արել հայ ժողովրդին «հանձնվել Թուրքիային», քանի որ «Հայաստանն այլ տարբերակ չունի»:

Նիկոլի ձեռքերով Էրդողանն արեց ամենակարևորը. նա ջախջախեց հայկական բանակը և Արցախի պետականությունը հասցրեց կործանման եզրին: Հաջորդը հերթում «Հայաստանի հարցն» է, իսկ Էրդողանը շտապում է, մանավանդ,որ ռուս-թուրքական պայմանագրի 100-ամյակին մնացել է ընդամենը 2 շաբաթ:

Արտակ Հակոբյան