«Իսկանդերներ» Արցախում պատերազմի ժամանակ չեն կիրառվել. ՌԴ ՊՆ. Տեսանյութ

Հայաստանը չի կիրառել «Իսկանդերներ» Արցախում հակամարտության ընթացքում, հրթիռների ողջ զինամթերքը գտնվել է երկրի զինված ուժերի պահեստներում, այս մասին հինգշաբթի լրագրողներին հայտնեցին ՌԴ Պաշտպանության նախարարությունում, մեկնաբանելով Նիկոլ Փաշինյանի հայտարարությունը: Հաղորդում է «РИА Новости»-ն:

 

Պաշտպանության նախարարությունում հայտարարեցին, որ «տարակուսանքով և զարմանքով» են ծանոթացել Փաշինյանի այն հայտարարությանը, որ Հայաստանի զինված ուժերի կողմից Արցախում օգտագործված «Իսկանդեր» համակարգի հրթիռները «չեն պայթել կամ պայթել են միայն 10%-ով»:

 

«Ըստ մեր մոտ առկա օբյեկտիվ և հավաստի տեղեկատվության, որը հաստատվել է այդ թվում օբյեկտիվ վերահսկողության համակարգով, այս տեսակի հրթիռային համակարգերից ոչ մեկը չի օգտագործվել Արցախում հակամարտության ընթացքում: Հրթիռների ողջ զինամթերքները գտնվում է Հայաստանի Հանրապետության զինված ուժերի պահեստներում», - ասացին նախարարությունից:

 

«Դատելով ամենից, ՀՀ վարչապետ Նիկոլ Փաշինյանին մոլորության մեջ են գցել, որի արդյունքում նա օգտագործել է ոչ ճշգրիտ տեղեկատվություն»,-ասված է հայտարարության մեջ: