Ռուսական ԶԼՄ-ների անդրադարձը՝ Երևանում բողոքի ցույցերին

Ռուսական ԶԼՄ-ներն անդրադարձել են Նիկոլ Փաշինյանի դեմ բողոքի այսօրվա ցույցերին։
Ոստիկանությունը ձերբակալել է բողոքի ակցիայի 57 մասնակցի, գրում է ТАСС-ը։

««Հանուն հայրենիքի փրկության շարժման» շուրջ 100 կողմնակից փորձել է արգելափակել Կառավարության 3-րդ մասնաշենքի մուտքերը, որտեղ պետք է ժամաներ Նիկոլ Փաշինյանը։ Սակայն ոստիկանությունը շրջափակել է այն, և վարչապետը՝ հսկողության ներքո, կարողացել է մուտք գործել շենք»,- գրել է լրատվամիջոցը:

Իրավապահները թույլ չեն տալիս ցուցարարներին մոտենալ Կառավարական մասնաշենքին, փոխանցել է РИА Новости-ի թղթակիցը։

Հայաստանում 2020 թվականի նոյեմբերի 10-ից չեն դադարում Փաշինյանի հրաժարականի պահանջով բողոքի ակցիաները։

Zham.am