Փաշինյանի կառավարության պայքարը ֆեյքերի դեմ նույնն է, ինչ Հիտլերը պայքարեր հակասեմիտների դեմ

Այն, ինչ հիմա կատարվում է Հայաստանում, այնքան զավեշտալի է, որ նորմալ մարդու համար դժվար է պատկերացնել: Ֆեյքերի հիմնադիր Փաշինյանի իշխանությունը իբր որոշել է պայքարել ֆեյքերի դեմ, նույնիսկ քրեական գործեր է «կարում 1. 2.» որոշ մարդկանց դեմ: Եվ այս ամենն արվում է այն ուժի կողմից, որը գրեթե 3 տարի բազմաթիվ «ֆեյքերի ֆաբրիկաների» օգնությամբ «ցեխ է շաղ տվել» երկրի գրեթե ողջ քաղաքական ու հասարակական վերնախավի վրա: Ի վերջո, անամոթությունը պետք է սահմաններ ունենա, բայց Փաշինյանի իշխանությունը հատել է նաեւ այս սահմանները:

Փաշինյանի պայքարը ֆեյքերի դեմ մոտավորապես նույնն է, եթե նացիստական Գերմանիայում, որտեղ միլիոնավոր հրեաներ էին սպանվում, ինչ-որ պահի իշխանությունները որոշեին պայքարել նրանց դեմ, ովքեր քարոզում են հակասեմիտիզմ:

Նույնիսկ նացիստները չունեին ցինիզմի այն աստիճանն, որն ունի Փաշինյանի իշխանությունը: Նացիստները չէին կարող դա թույլ տալ իրենց, քանի որ նրանք չէին պատկերացնում, թե ինչպես գերմանացի ժողովուրդը կարող էր հանդուրժել նման կեղծ պաթոսը:

Սակայն Հայաստանում, հավանաբար, իրականացվում է մի յուրորինակ էքսպերիմենտ, կարծես թե փորձում են հասկանալ, թե որքանով է հայ հասարակությունը դեբիլացել: Երբ «լուրջ դեմքով» իշխանությունները հայտարարում են, որ իրենք «ֆեյքերի դեմ են պայքարում» և դա անում առանց ամոթի մի կաթիլի, դա նշանակում է, որ մարդկանց այս խումբը անցել է բոլոր սահմանները և ընդունակ է ամեն ինչի: Նրանք վերածվեցին վայրի գազանների, որոնց համար չկան մարդկային կամ որևէ այլ արժեքներ:

«Գայլերի ոհմակի» վերածվելով՝ նրանք փորձում են փրկել իրենց «կաշին»՝ մոռանալով, որ մարդկային հասարակության մեջ անհնար է «երկար կյանք ունենալ» այդպիսի գործելաոճով, քանի որ նույնիսկ նացիստական համակենտրոնացման ճամբարների աշխատողները որոշ ժամանակ անց կամ խելագարվում էին կամ ինքնասպանություն գործում:

Այնուամենայնիվ, հարց է առաջանում ՝ արժե՞ ընդօրինակել նացիստներին 21-րդ դարում:

Արդյո՞ք դա արժե անել, քանի որ այս ամենից կարող են տուժել ոչ միայն իրենք, այլեւ իրենց հետնորդները:

Դավիթ Մկրտչյան