Հանրահավաքնից հետո քաղաքացիները խաղաղ անհնազանդության ակցիաներ են անում Փաշինյանի հրաժարականի պահանջով․ Տեսանյութ
Հանրահավաքի ավարտին ՀՅԴ ԳՄ ներկայացուցիչ Իշխան Սաղաթելյանը հայտարարեց, որ այսօրվանից վերսկսելու են քաղաքի տարբեր հատվածներում։ Հանրահավաքի մասնակիցներն այժմ ուղևորվում են 4 ուղղություններով՝ Մաշտոց-Ամիրյան, Բաղրամյան-Մոսկովյան, Աբովյան-Սայաթ Նովա և Մաշտոց-Իսահակյան խաչմերուկ՝ «Նաիրի» կինոթատրոնի մոտ։
***
Հայրենիքի փրկության շարժման նախաձեռնությամբ Ազատության հրապարակում տեղի է ունենում հանրահավաք։
Ազատության հրապարակը բազմամարդ է։
Այսօրվա հանրահավաքին մասնակցելու կոչով ժողովրդին դիմել են քաղաքական, հասարակական, մշակութային մի շարք գործիչներ։
«Թշնամին շարունակում է մետր առ մետր զավթել մեր հայրենիքը։ Մեր տասնյակ զինվորներ շարունակում են գերության մեջ մնալ։ Երկրի տնտեսությունն օր- օրի շարունակում է գահավիժել։ Հայաստանը կանգնել է կործանման եզրին։
Մի′ հանդուրժիր այս ամենը, ոտքի կանգնի′ր, պայքարի, միացիր արժանապատվության կռիվ տվող քո ժողովրդին։ Մեր պահանջը մեկն է` դավաճանի հրաժարականը։ Միասին մենք կփրկենք մեր հայրենիքը»,- ասված է նախաձեռնության կոչ-ուղերձում։
Հետևեք մեզ Facebook-ում