Փետրվարի 20-ին լինելու է հանրահավաք հետաքրքիր վերջաբանով. Իշխան Սաղաթելյան. Տեսանյութ

ՊՆ-ն բազմաթիվ հարցերի պատասխան պետք է տա իրենց զիջողական պահվածքն էլ անհասկանալի է: Այս մասին, այսօր՝ փետրվարի 15-ին, Ազատության հրապարակում լրագրողների հետ զրույցում նշեց ՀՅԴ ԳՄ ներկայացուցիչ Իշխան Սաղաթելյանը:

«ՊՆ-ն որտե՞ղ էր, երբ մեր համայնքի ղեկավարներն էին բանակցություններ վարում թուրքերի հետ: Ես կոչ կանեմ ՊՆ-ին լինել իր տեղում դերում եւ ազդել քաղաքական այն որոշումների վրա, որը մեզ պարտադրում է զիջումներ»,-ասաց նա:

Իշխան Սաղաթելյանը նշեց, որ փետրվարի 20-ին լինելու է հանրահավաք հետաքրքիր վերջաբանով:

Հարցին, թե արդյոք շոու է լինելու, նա պատասխանեց. «Էդ Նիկոլի ժամանակ էր շոու, որ շոու արեց, կուտը կերաք: Մենք շոու չենք անում»:

Ո՞վ կերավ հարցին էլ արձագանքեց. «Ուտողները»:

Նա չցանկացավ մանրամասնել, թե ինչ է լինելու հանրահավաքի ժամանակ. «Կգա ժամանակը, կտեսնեք: Ամեն դեպքում մենք պատրաստ ենք այդ հանրահավաքին»:

Մանրամասները՝ NEWS.am-ի տեսանյութում: