Առաջանում է հարց, ի՞նչն է մեզ այս երկրում պահում

Ինչն է միավորում ազգին` կրոնը, մտածողությունը, մշակույթը, լեզուն, տեղանքը, պատմական անցյալը, անվտանգության զգացողությունը, տնտեսական միջավայրը` հիմնված շահի վրա: Երևի թե սա է հիմնականը:
--------------------------------------------------
-"Գարեգին Բ"-ն ու "Կճոյանը" մեզ կարծես թե չեն միավորում և առհասարակ կրոնը 21-րդ դարում չի կարող ազգ մավորել, առավել ևս, որ Հայ Եկեղեցին չունի հանրությանը հայտնի յուրահատուկ բարոյական ու էթիկական նորմեր, ոչ էլ սոցիալական հայեցակարգ:
-Մտածողությունը ոչ միայն չի միավորում, այլ ճիշտ հակառակը` տարանջատում է, հատկապես "համբալի" դիսկուրսիսց հետո: "Մտածելակերպն" է այսօր ամենաշատը քննդատվում:
-Լեզուն մղվել է կենցաղ և իրական կրթություն ստանալու համար պետք է այլ լեզուների տիրապետել, անգամ Հայաստանում արժանապատիվ աշխատանք ստանալու համար, եթե իհարկե պատգամավոր չեք, այս դեպքում կրթության կարիք չկա: Բայց դա ընդամենը մոտ 100 աշխատատեղ է:
-Տեղանքը նույնպես պայմանական է, անգամ հայտնի չի, թե ո"րն է Հայաստանի սահմանը:
-Մշակույթը առնվազն վերջին 25 տարվա ընթացքում մահացած է և շատ քչերը կարող են այս տարիների ընթացքում մի քանի գիրք կամ լուրջ արվեստի գործ նշել, որոնք իրենց վրա որևէ ազդեցություն է ունեցել: Մենք "հայկական մշակույթով" չենք սնվում:
-Տնտեսության և շահի մասին համեստորեն լռում եմ:
-Պատմական անցյալի մասին տեսակետները տարբեր են: Առնվազն վերջին հազար տարվա մեր պատմությունը հիմնականում ոչ թե հպարտություն է ներշնչում, այլ ճիշտ հակառակը:
-Մնաց է միայն անվտանգության խնդիրը: Սակայն դա նույնպես արժեքազրկվում է, որովհետև` նախ չկա վստահություն գործող իշխանության հանդեպ, որ նրանք պատշաճ կերպով են կազմակերպում մեր անվտանգությունը, մյուս կողմից բանակի ծառայության հարցում մտել է "աղքատ-հարուստ", "հայաստանցի-ղարաբաղցի" բաժանումը: Անվտանգության հարցը մեզ սկսել է տարանջատել, այլ ոչ թե միավորել:
----------------------------------------------------------
Առաջանում է հարց, ի՞նչն է մեզ այս երկրում պահում:

Ստեփան Դանիելյանի ֆեյսբուքյան էջից