Դուք նույնիսկ ձեր թիմից եք վախենում, ռազմական դրությունը չեք հանում, էլ ուր մնաց ժողովուրդից չվախենաք
Ըստ մամուլում առկա տեղեկությունների, վերջերս Փաինյանի թիմը քննարկել է արտահերթ ընտրությունների անցկացման հարցը, և ընդհանուր առմամբ եկել են այն եզրահանգմանը, որ իրենք չեն գնալու արտահերթ ընտրութունների, ձևակերպելով, թե իբր այդպիսի պահանջ հանրության մեջ չկա: Այդ ամենից հետո Ալեն Սիմոնյանը` առանց ամոթ զգլալու, նշեց, թե իբր իրենց վարկանիշն այնքան բարձր է, որ իրենք չեն վախենում արտահերթ ընտրություններից: Մինչդեռ իրականությունը բոլորովին այլ է փաստում:
Պատերազմից անցել է արդեն 3 ամիս, սակայն ՀՀ իշխանւթյունները ռազմական դրությունը դեռ չեն հանել: Ի դեպ, հակամարտող մյուս կողմը` Ադրբեջանը, վաղուց չեղարկել է ռազմական դրությունը: Իսկ այս ամենի պատճառն այն է, որ իշխանությունը վախենում է, որ հնարավոր իմպիչմենտի պարագայում նույնիսկ «իրենցքայլականները» Ազգային ժողովում կարող են Փաշինյանին դեմ քվեարկել: Հենց դրա պատճառով էլ Վահագն Հովհակիմյանը փորձում էր հերթական անգամ Սահմանադրությունը խախատող մի նոր օրինագիծ ներկայացնել, որով հնարավոր կլիներ շրջանցել վարչապետի հրաժարականը և առանց դրա արտահերթ ընտրություններ անցկացնել:
Այսինքն, իշխանությունը վստահ չէ, որ Նիկոլ Փաշինյանի հրաժարականի պարագայում «Իրենց քայլը» մեկ այլ վարչապետ չի ընտրելու: Երբ մարդն իր կաբինետից 200 մետր հեռավորությամբ գտնվող Ֆինանսների նախարարություն է գնում թիկնազորի տասնյակ ներկայացուցիչների ուղեկցությամբ, խոսել այդ մարդու վարկանիշի մասին պարզապես ծիծաղելի է:
Մինչդեռ Ալեն Սիմոնյանին նշանակել են մի խայտառակ պաշտոնի, այն է` առանց ամոթի արտահայել մտքեր: Հայաստանում այսօր Նիկոլ Փաշինյանի համար սա ամենակարևոր պաշտոններից մեկն է, քանզի քչերն են ռիսկ անում իրեն հրապարակավ աջակցել:
Բայց և բոլորն էլ հասկանում են, որ Ալենի` լուրջ դեմքով արտահայտությունները, պարզապես ծիծաղելի են այն ֆոնին, երբ նրանք չեն վստահում նույնիսկ սեփական թիմին: Էլ ուր մնաց վստահեն ժողովուրդի քվեարկությանը: Եվ տրամաբանական է, որ այս մարդիկ այլ տարբերակ չէին էլ կարող ունենալ:
Դավիթ Մկրտչյան
Հետևեք մեզ Facebook-ում