Աննա Հակոբյանը ստորացնում էր Նիկոլին, ասելով, թե նա ինչ տղամարդ է. Արամ Գաբրիելյանովը՝ Արգիշտի Քյարամյանին ԱԱԾ տնօրենի պաշտոնից ազատելու մասին

Ռուսաստանաբնակ մեդիամագնատ, հայազգի լրագրող, «Lifenews» լրատվական հեռուստաալիքի սեփականատեր Արամ Գաբրիելյանովը տելեգրամի իր ալիքում անդրադարձել է ՀՀ ԱԱԾ նախկին պետ Արգիշտի Քյարամյանի և Նիկոլ Փաշինյանի՝ Արցախում տեղի ունեցած միջադեպին: 

«29-ամյա Արգիշտի Քյարամյանը ժամանել է Արցախ ԱԱԾ 30 աշխատակցի հետ: Գլխավոր խնդիրը, որը դրել էր Փաշինյանը ՀՀ ԱԱԾ ղեկավարի առջև՝ վարչապետի կնոջ և որդու անվտանգության ապահովումն է: Դերերն այնպես են բաշխվել, որ բացի Աննա Հակոբյանի անձնական թիկնազորի, այսպես կոչված արտաքին տրամագիծը նրա շուրջ ապահովում էին ևս 10 ամբողջովին սպառազինված հատուկջոկատային: Անգամ ղարաբաղյան հատուկ ջոկատն էր զարմացած նրանով, թե ինչպես են սպառազինված ու ինչպիսի զենքերով են ժամանել ԱԱԾ աշխատակիցները: Եւս տաս մարդ պահպանում էր Փաշինյանի որդուն: Մնացածը մշտապես գտնվում էին Արգիշտիի ենթակայության տակ: Սկանդալը տեղի ունեցավ, երբ գեներալ Մովսես Հակոբյանը կոշտ ձևով պահանջեց Նիկոլի տիկնոջից լքել բունկերը, որտեղ քննարկվում էր գերգաղտնի ռազմական օպերացիա: Մինչ այդ Աննա Հակոբյանը հասցրել էր հրապարակայնորեն նախատել գեներալներին և սովորեցնել իրենց, ինչպես է պետք ղեկավարել զորքը: Մովսես Հակոբյանը չդիմացավ և շատ կոշտ պահանջեց կնոջից, որպեսզի նա լքի շտաբը:

Դրանից անմիջապես հետո Աննայի թիկնապահները փորձում էին հանգստացնել նրան: Սակայն, բավականին խմած կինը զանգել է Նիկոլին ու «թափ տվել» նրան: Ինչպես պատմում էին թիկնապահները, անասելի զայրույթ էր թափվում: Աննայի սենյակից եռահարկ հայհոյանք էր տեղում: Կինը ստորացնում էր Նիկոլին, ասելով, թե նա ինչ տղամարդ է, եթե ինչ-որ «моська» խայտառակել է իր կնոջը:

Կնոջ հետ զորւյցից հինգ րոպե անց Փաշինյանը զանգահարում է Քյարամյանին և պահանջում Հայաստանի ԱԱԾ տնօրենից ձերբակալել գեներալ Հակոբյանին և ձեռնաշղթաներով բերել Երևան: Պահանջը եղել է այսպես՝ ձեռնաշղթաներով բերել ոստիկանական մեքենայով:

Քյարամյանը գնաց Արցախի նախագահի մոտ: Վախեցած Արայիկ Հարությունյանը հրավիրեց երկու գեներալների՝ խորհրդակցության: Գեներալներն ասացին՝ ոչ մեկ նման հրաման չի կատարի, հակառակը՝ կձերբակալվեն Քյարամյանը և նրա ողջ թիկնազորը: Այդ ժամանակ Արայիկ Հարությունյանը հրաժարվեց կատարել Փաշինյանի հրամանը և ասաց դրա մասին Քյարամյանին: Քյարամյանը դողացող ձայնով զեկուցեց Նիկոլին, որ գեներալ Հակոբյանին ձերբակալելու հրամանը հնարավոր չէ կատարել: Դրանից հետո դուրս եկավ պատերազմող երկրի ԱԱԾ տնօրենին ազատելու հրամանը», - գրել է նա:

Zham.am