Ինչու «կոկորդիլոսին» նշանակեցին այս բարձր պաշտոնին. Տեսանյութ

Ինչպես հայտնի է, Նիկոլ Փաշինյանի ստորագրությամբ Լենա Նազարյանի ամուսնուն ազատեցին Պետգույքի կառավարման կոմիտեի նախագահի պաշտոնից, և նրա տեղը նշանակեցին կոկորդիլոսների հայտնի սիրահար, նախկին գյուղապետ Գարիկ Սարգսյանին:

Մարդ, որ 40 հեկտարը 40 000 հեկտարից չէր տարբերում: Երբ տեղական խորհրդակցության ժամանակ Փաշինյանը հարցրեց, թե ինչ տարածքի մասին է խոսքը. Գարիկ Սարգսյանը, կասկածելով, նշեց «40 հազար հեկիտար»` 40 հեկտարի փոխարեն:

Այն, որ սույն անձնավորությունը գրեթե զրոյական պատկերացում ունի պետական գույքի կառավարումից, հայտնի է բոլորին: Նրա միակ արժեքը եղել է այն, որ Սերժ Սարգսյանի կառավարման ժամանակ նա, ընտրվելով գյուղապետ, անդամագրվել է Փաշինյանի կուսակցությանը:

Հենց այդ հավատարմության պատճառով էլ Փաշինյանը նրան կարող է նշանակել ցանկացած պաշտոնի: Երեկ նա մարզպետ էր, այսօր` Պետգույքի կառավարման կոմիտեի նախագահ, վաղը նրան կարող են նշանակել նախարար և նույնիսկ փոխվարչապետ:

Որպեսզի հասկանանաք, որ սա պատահականություն չէ, այլ օրինաչափություն է, վերջերս էլ մի Ճ-կլասի պաշտոնյա, ոմն Արմեն Սիմոնյանը, նշանակվել է Հայաստանի, Ռուսաստանի և Ադրբեջանի փոխվարչապետերի Եռակողմ աշխատանքային խմբի հայկական կողմի անդամ:

Նա ավարտել է համալսարանի կենսաբանական ֆակուլտետը, այնուհետև մի քանի տարի աշխատել այդ ոլորտի ոսուցիչ: Խոշոր պաշտոնին նշանակման միակ արժեքը կայանում է նրանում, որ նա իր ուսման տարիներին ճանաչել է այսօրվա տարածքային կառավարման նախարար Սուրեն Պապիկյանին: Սա՛ է նիկոլական «Նոր Հայաստանի» կադրային քաղաքականության բովանդակությունը:

Փարիսեաբար մեղադրելով նախկիններին ԽԾԲ (խնամի, ծանոթ, բարեկամ) սկզբքունքով նշանակումների համար, այս իշխանությունն այսօր գործում է բացառապես այդ սկզբունքով: Նաև այն պատճառով, որ զրկվելով հանրային լեգիտիմությունից, Փաշինյանը կասկածում է բոլորին ու չի վտահում ոչ մեկին: Հատկապես խելոք և տաղանդավոր կադրը հաստատ չի համաձայնի աշխատել այսօրվա խայտառակ իշխանության հետ: Իսկ Փաշինյանի շրջապատին անհայտ կադրը վստահելի չէ: Այդ իսկ պատճառով սրանք որոշել են մոբիլիզացնել ԽԾԲ-ի սկզբունքով իրենց բոլոր ռեզերվները:

Այս մոտեցումը, սակայն, երկրի կառավարման մակարդակի վրա էական բացասական ազդեցություն է թողնելու: Սակայն դա Փաշինյանին ամենավերջինն է հետաքրքրում, քանզի նրա համար այսօրվա իր միակ և գլխավոր առաքելությունն իր ֆիզիկական անվտանգությունն ապահովելն է, չէ որ աշխարհում դեռ չկա մեկ այլ օրինակ, երբ երկրի ղեկավարը նման խայտառակ պարտություն կրելուց հետո, տարածքային կորուստներից ու մեծ մարդկային զոհերից հետո կարողանա պահպանել իր իշխանությունը:

Սա՛ է իրականությունը:

Արտակ Հակոբյան