«Բեգլարյան բժշկական կենտրոնում» ծննդկան է մահացել

Բեգլարյան բժշկական կենտրոնում դեռևս չպարզված հանգամանքներում 30-ամյա ծննդկան է մահացել։ Մահացածի հարազատները NEWS.am-ի հետ զրույցում ասացին, որ կատարվածի համար իրենք մեղադրում եմ բժիշկներին։

Մահացած ծննդկան Նելլի Արշակյանի քույրը՝ Բելլա Արշակյանը,մեզ հետ զրույցում ասաց. «Փետրվարի 1-ին ժամը 10։30 կեսարյան հատմամբ աղջիկ է ունեցել։ Քույրս առողջական որևէ խնդիր չի ունեցել։ Նախկինում երկու երեխա էր ունեցել բնական ծննդաբերության ճանապարհով, քանի որ երեխայի պորտալարը փաթաթված էր այս անգամ կեսարյան հատմամբ է ունեցել։ Գիշերը ժամը չորսին քույրս՝ Նելլին, զանգահարել է ամուսնուն և ասել, որ իրեն ներարկում են արել, ինչից հետո վիճակը կտրուկ վատացել է։ Լուսադեմին վեցին քույրս մահացել է։ Ներարկող բժիշկը, ծնունդն ընդունող բժիշկը, այդ օրվա հերթապահ բժիշկներն ու բուժքույրները հիվանդանոցում չէին և մենք որևէ մեկնաբանություն չենք ստացել»:

NEWS.am-ը փորձեց կապ հաստատել Բեգլարյան բժշկական  կենտրոնի հետ, սակայն մեր հեռախոսազանգերին չպատասխանեցին: