Իշ­խանավորներն ընտրել են իրենց համար առավել կանխատեսելի, կառավարելի, իրենց քմահաճույքները կատարող ան­ձանց․ Վարդան Այվազյանը՝ ԲԴԽ նոր անդամների մասին

«Իրատես» թերթը գրում է. «Բարձրագույն դատական խորհրդի ան­դամի պաշտոնին Գագիկ Ջհանգիրյանի և Սորոսի «Բաց հասարակության հիմնադրամներ-Հայաստան»-ի տնօրենների խորհրդի նախկին նախագահ Դավիթ Խաչատուրյանի ընտրությունը շարունակում է տարաբնույթ հարցեր առաջացնել:

Այն, որ այս կերպ իշխանությունը փորձում է իր ձեռքում կենտրոնացնել ԲԴԽ-ն և դրանով ողջ դատական համակարգը, ենթադրելի է: Բայց ստացվե՞ց, ի՞նչ պատկեր է ներկա­յումս այդ կառույցում, ո՞ւր ենք այսպիսով գնալու: Սահմանադրագետ Վարդան Այվազյանն այս իրավիճակի հետ կապված նկա­տեց.

- Բնականաբար, նման միտում կա: Իշ­խանավորներն ընտրել են իրենց համար առավել կանխատեսելի, կառավարելի, իրենց քմահաճույքները կատարող ան­ձանց: Սակայն չեմ կարծում, որ իշխանու­թյան կամակատար ընտրվածները որևէ բան կարողանան փոխել, որովհետև հա­մոզված եմ, որ այս իշխանությունների կյանքը երկար չի: Օրերի, ամիսների խնդիր է, դրա համար նրանք չեն հասցնի ինչ-որ բան փոխել»։

Մանրամասները՝ թերթի այսօրվա համարում