Վահան Բադասյանին կալանավորելու միջնորդություն է ներկայացվել դատարան

«Մարտական խաչի» ասպետ, Արցախի «Միացյալ Հայաստան» կուսակցության նախագահ Վահան Բադասյանին երեկ ուշ երեկոյան մեղադրանք է առաջադրվել և նրան կալանավորելու միջնորդություն ներկայացվել դատարան։ Այս մասին NEWS.am-ի հետ զրույցում նշեց Բադասյանի պաշտպան Արայիկ Պապիկյանը։

Նա տեղեկցրեց, որ Բաղդասյանը մեղադրվում է Քրեական օրենսգրքի 301-րդ հոդվածով նախատեսված արարք կատարելու մեջ (իշխանությունը զավթելուն, տարածքային ամբողջականությունը խախտելուն կամ սահմանադրական կարգը բռնի տապալելուն ուղղված հրապարակային կոչերը)։ Բադասյանն իրեն առաջադրված մեղադրանքը չի ընդունում։

Ավելի վաղ NEWS.am-ը հայտնել էր, որ երե Եռաբլուրում լրագրողների հետ զրույցում Վահան Բադասյանն ասել էր, որ վարչապետ Նիկոլ Փաշինյանը  պետք է վերանա ու հեռանա։ «Եթե չի հեռանում, ուրեմն կվերացնենք ֆիզիկապես, զենքով։ Ես սկսելու եմ կազմակերպել»։ Դրանից հետո նրան բերման էին ենթարկել ԱԱԾ: