Ինչպե՞ս պռոտեկտորատից կրկին դառնալ դաշնակից

Երեկվա ՀՀ 2-րդ նախագահի հարցազրույցի առանցքային թեզերից էր այն, որ վերջին երեք տարիների ընթացքում, Փաշինյանի և նրա թիմակիցների ջանքերի շնորհիվ, Հայաստանը Ռուսաստանի ռազմավարական դաշնակցի կարգավիճակից վերացվեց այդ երկրի պրոտեկտորատի:

Ընդ որում,տարիներ շարունակ  նույն Փաշինյանը  և նրա նման գործիչները, նախկիններին մեղադրում էին, իբրև «Ռուսաստանի ֆորպոստ» դարձնելու մեջ: Մինչդեռ, նույն մարդիկ, իրենց գործնեության արդյունքում, Հայաստանի իրական անկախ կարգավիճակը, իջեցրին պրոտեկտորատի մակարդակի:

Շատերն ի դեդ Փաշինյանին քննադատում են Արցախի հողերի կորստի համար, բայց քչերն են նկատել, որ այս մարդկանց գործնեության արդյունքում, Հայաստանն էլ է, փաստացի,  փոխել իր պետական կարգավիճակը: Մինչև 1991 թվականը Հայաստանը ԽՍՀՄ-ի կազմում էր և չուներ պետական անկախություն: ԽՍՀՄ-ի  փլուզումից հետո  մեր երկիրը ստացավ անկախ կարգավիճակ, իսկ ղարաբաղյան պատերազմի հաղթանակի արդյունքում, Հայաստանը ստացավ ռազմավարական դաշնակցի կարգավիճակ տարածաշրջանի լավագույն բանակով:

Այս կարգավիճակով երկիրը զարգանում էր մինչև 2018 թվականը: Փաշինյանների իշխանության գալուց հետո սկսվեց պետական ինստիտուտների փլուզման գործընթացը:

Իսկ վերջին պատերազմի արդյունքում, մեր երկիրը պետական կարգավիճակից դարձավ փաստացի պրոտեկտորատ, դրանից բխող հետևանքներով:

Արտակ Հակոբյան