Պուտինը Դավոսի համաշխարհային տնտեսական համաժողովում կոչ է արել մարդասիրական օգնություն ցուցաբերել Արցախին. Տեսանյութ

Միջազգային հանրությունը պետք է հումանիտար օգնություն ցուցաբերի Լեռնային Ղարաբաղին, հայտարարել է ՌԴ նախագահ Վլադիմիր Պուտինը: «Միջազգային հանրության և, անկասկած, հակամարտության լուծմանը մասնակցած երկրների առջև խնդիր է դրված օգնություն ցուցաբերել տուժած շրջաններին, աջակցել փախստականների վերադարձի հետ կապված հումանիտար խնդիրների լուծմանը, ավերված ենթակառուցվածքների, պատմական, կրոնական և մշակութային հուշարձանների վերականգնման հետ կապված հարցերում», – ասել է Պուտինը՝ հունվարի 23-ին Դավոսի Համաշխարհային տնտեսական համաժողովում, որն այս տարի առցանց է ընթանում:

Պուտինի խոսքով ՝ Ռուսաստանի կողմից ակտիվ միջնորդական ջանքեր են ձեռնարկվել Լեռնային Ղարաբաղի շրջանում զինված հակամարտությունը դադարեցնելու համար։

«Մենք ձգտում էինք հետևել ԵԱՀԿ Մինսկի խմբում, մասնավորապես համանախագահների՝ Ռուսաստանի, ԱՄՆ-ի և Ֆրանսիայի միջև ձեռք բերված պայմանավորվածություններին», – նշել է Ռուսաստանի նախագահը՝ հավելելով, որ դա «համագործակցության լավ օրինակ է»։

Zham.am