Թուրքագետ. «Թուրքիայում հայ-թուրքական հարաբերությունների բարելավումը խնդիր չէ, այն անգամ քաղաքական օրակարգում տեղ չունի» (Տեսանյութ)

Zham.am-ի «Ամբիոն» հաղորդաշարի հյուրն է թուրքագետ Գևորգ Պետրոսյանը:

Թուրքագետը մանրամասներ ներկայացրեց ապրիլի 16-ին Թուրքիայում տեղի ունեցած սահմանադրական հանրաքվեից, ընդգծելով, որ ի տարբերություն երկրում տեղի ունեցած այլ ընտրությունների ընտրակեղծիքներն այս անգամ մասսայական բնույթ էին կրում:

Գևորգ Պետրոսյանը նշեց նաև, որ սահմանադրական հանրաքվեից հետո Թուրքիայի Եվրամիության հետ ինտեգրման հարցը կարող է հետին պլան մղվել և թուրքական հասարակության շրջանակներում վերջերս շատ արդիական է դարձել այն հարցը, թե արդյո՞ք Թուրքիային անհրաժեշտ է Եվրամիությունը, թե՝ ոչ:

Թուրքագետն անդրադարձավ նաև հայ-թուրքական հարաբերությունների բարելավմանն ընդգծելով, որ նման հարց Թուրքիայում գոյություն չունի, և այն բացակայում է քաղաքական օրակարգից: Դրա հետ մեկտեղ Պետրոսյանը նշեց, որ հայ-թուրքական հարաբերությունները կարող են բարելավվել միայն այն պարագայում, եթե Թուրքիայում հստակ հաշվարկներ կատարվեն և դրանց արդյունքում պարզ դառնա, որ Հայաստանի հետ հարաբերությունների հաստատումն ավելի շահավետ է թուրքական պետության համար, քան Ադրբեջանի հետ համագործակցությունը:

Մանրամասները՝ Zham.am-ի տեսանյութում