Երևանում վաղվանից շուրջ 460 ենթաշտաբ կգործի. Է. Շարմազանով

Ինչպես հաղորդում է Tert.am-ը, Հանրապետական կուսակցության գործադիր մարմնի հերթական նիստում քննարկվել և ամփոփվել են խորհրդարանական ընտրությունների արդյունքները, ինչպես նաև խոսվել է Երևանի ավագանու ընտրությունների քարոզչության մեկնարկի մասին: Այս մասին հայտարարեց կուսակցության մամուլի խոսնակ Էդուարդ Շարմազանովը:

«Վաղն արդեն պաշտոնական քարոզչության առաջին օրն է: Նախընտրական ծրագիրը՝ «Հանուն Երևանի» կարգախոսով է»,- ասաց նա՝ հավելելով, որ իրենք քարոզարշավն սկսելու են աշխատանքային ժամից՝ 18:00-ից հետո: Ըստ նրա՝ իրենց կուսակցության ավագանու թեկնածուները Տարոն Մարգարյանի գլխավորությամբ կսկսեն քարոզչությունը Էրեբունու վարչական շրջանից և, բացառությամբ ապրիլի 24-ի, մնացած օրերին ակտիվ քարոզչություն կիրականացնեն:

«Տեղեկացնեմ, որ շուրջ 460 ենթաշտաբ կգործի: Մեր քարոզչական թիմը պատրաստ է: Մենք գնալու ենք «Հանուն Երևանի» կարգախոսով: Մենք չենք պատրաստվում որևէ մեկի հետ ոչ լեզվակռվի, ոչ էլ այլ քաղաքական պայքարի մեջ մտնել: Մենք քաղաքակիրթ պայքարի կողմնակից ենք, ողջունում ենք երկու այլ քաղաքական դերակատարներին՝ և՛ «Ելք» դաշինքին, և՛ «Երկիր ծիրանի»-ին, նրանց քաղաքական դերակատարությանը, հատկապես, որ վերջինի համար սա քաղաքական դեբյուտ է»,- ասաց նա:

Մանրամասները՝ Tert.am-ում: