Դատական նիստ՝ հակասահմանադրական գործով Դատարանը 3 ամսով երկարաձգեց Բագրատ սրբազանի տնային կալանքը Մանդատազրկման հարցը՝ արդեն 4-րդ անգամ դատարանում
Ադրբեջանը փորձում է Սյունիքով անցնող ճանապարհի նկատմամբ վերահսկողություն ստանալ․ Դանիելյան Փաշինյանը պատերազմ է հայտարարել լրագրողներին. ՀԺՄ հայտարարություն ՌԴ նախագահը դրական է գնահատել եռակողմ հանդիպումը Պուտինի, Սի Ցզինպինի և Թրամփի միջև հանդիպումից հետո հռչակագիր է ընդունվել Փաշինյանն առաջին հերթին պետք է ազատ արձակի քաղբանտարկյալներին, պատանդներին, միայն դրանից հետո առաջարկներ անի ընդդիմությանը Ռուսաստանում Փաշինյանին կտեղեկացնեն, թե Հայաստանն ինչ քաղաքականություն պետք է վարի + 250 մլն եվրո․ Փաշինյանը Հայաստանը գցում է նոր վարկի տակ Այնքան են լկտիացել, որ փորձում են շրջանցել անգամ դատարանի որոշումները. Մանուկ Սուքիասյան Պատմական հանդիպում. Մեկնարկել են Թրամփի, Սիի և Պուտինի միջև եռակողմ բանակցությունները Փաշինյանի և Պապիկյանի կառավարած բանակում էլի զինծառայող է մահացել Պատերազմ Արցախում
Վրաստանում սուգ է հայտարարվել՝ շենքի պայթյունի և զոհերի հետ կապված. փլատակներից 3-ամյա երեխային ողջ են դուրս բերել՝ պայթյունց 8 ժամ անց Ավինյանի «որակով» աշխատանքը ԼՂ-ից տեղահանվածների նոր կենսաչափական անձնագրերում ծննդյան վայրը նշվում է Ադրբեջան Նախ վերացրեք քաղաքական հետապնդումների գործիքները, հետո խոսեք հանրաքվեից. փաստաբան «Հրապարակ»․ 176 մլն դրամ` նոր անձնագրի շնորհանդեսին Ռուսաստանը նոր զանգվածային հրթիռային հարված է հասցրել Ուկրաինային․ Կիևում վնասվել է երեք կամուրջ «Հրապարակ». Կարկտահարության վնասների չափերը 5 ամիս է՝ քննարկում են Գառնիկ Դավթյանն ու Տարոն Չախոյանը՝ ծեծկռտուքի քրեական վարույթի կենտրոնում․ ի՞նչ են բացահայտում տեսագրությունները․ «Ժողովուրդ» Փաշինյանի հայտարարությունը խուճապ է առաջացրել իշխանական շրջանակներում․ «Հրապարակ» Նախկին ԱԽՔ-ի հաջորդ քայլը «ինֆարկտի» կհասցնի իշխանականներին․ «Իրավունք» «Շիրակը» ՀՖՖ նախագահի պաշտոնում առաջադրել է Գևորգ Ղազարյանի թեկնածությունը Լարված իրավիճակ ՝ Ռոբերտ Քոչարյանի գործով նիստին․ նիստը կես ժամով հետաձգվեց Դատական նիստ՝ հակասահմանադրական գործով Ադրբեջանը փորձում է Սյունիքով անցնող ճանապարհի նկատմամբ վերահսկողություն ստանալ․ Դանիելյան Կինգ Կոնգը, պինգ-պոնգը ու... «Սահմանադրությունը» Փաշինյանը թող բերի 5 նախադեպ, երբ ինքը չի «քցել», հետո նոր առաջարկություններ անի․ Քրիստինե Վարդանյան Ի՞նչն է հունից հանել Փաշինյանին․ «Կարճ ասած» Ո՞վ է մեզ պատերազմ հայտարարելու․ Նիկոլ Փաշինյանի ականջը կանչի․ Խաչատրյան Թրամփը Չինաստան կատարած իր այցը անվանել է հիանալի Փաշինյանը պատերազմ է հայտարարել լրագրողներին. ՀԺՄ հայտարարություն «Փորձում է «շպագատ» իջնել, բայց չի կարողանալու, իսկ արդյունքում միակ տուժողը մեր ժողովուրդն է լինելու». «Փաստ» Փաշինյանը սպառված գործիչ է և հանրային ճնշում գեներացնել չի կարող. Քաղտեխնոլոգ «ԶԱՊ-ը» և «Օշականցի Գևորիկը» դատարանի դահլիճից ազատ են արձակվել Ի՞նչ են անում, երբ սերիական խաբեբան և կեղծարարն առաջարկում է իր «ազնիվ խոսքի» վրա հիմնված գործարք. Լևոն Զուրաբյան Ավելի քան 4 միլիոն բարել հում նավթ տեղափոխող երկու նավեր այրվում են Հորմուզում Դատարանը 3 ամսով երկարաձգեց Բագրատ սրբազանի տնային կալանքը ՌԴ նախագահը դրական է գնահատել եռակողմ հանդիպումը «Դու իսկապե՞ս այնքան ես կտրվել իրականությունից, որ կարծում ես՝ քո քաղաքական կենսագրության մեջ որևէ դրական բան կա, որով կարող ես երաշխավորե՞լ ինքդ՝ քեզ». Արթուր Սուքոյան Պուտինի, Սի Ցզինպինի և Թրամփի միջև հանդիպումից հետո հռչակագիր է ընդունվել Փաշինյանն առաջին հերթին պետք է ազատ արձակի քաղբանտարկյալներին, պատանդներին, միայն դրանից հետո առաջարկներ անի ընդդիմությանը

«Գերիների հարցը վիրավորված հոգիների հետ խաղալու նիկոլյան լավագույն խաղաքարտն էր». Սերժ Սրապիոնյան

«Ինձ համար վաղուց պարզ էր, որ հունվարի 11-ի հանդիպումը շատ վատ վերջաբան պետք է ունենա մեզ համար, որքան էլ զարմանալի թվա, պետք է ասեմ, որ իմ սպասելիքների չափ վատ չանցավ». 168.am-ի հետ զրույցում ասաց ԵՊՀ Հայ գրականության պատմության ամբիոնի դասախոս, դոցենտ, բանասիրական գիտությունների թեկնածու Սերժ Սրապիոնյանը՝ անդրադառնալով երեկ Հայաստանի, Ռուսաստանի և Ադրբեջանի ղեկավարների միջև կայացած եռակողմ հանդիպմանը:

«Ես սպասում էի, որ սահմանների խնդիրը կլինի առաջնային: Սա ինձ համար աքսիոմատիկ ճշմարտություն էր, այն, ինչին համաձայնել է այս մարդը, որը զբաղեցնում է վարչապետի աթոռը, այնտեղ պետք է արդեն ռեալիզացնեին՝  երկուստեք իրենց հարմար եղանակով՝ և՛ ռուսները, և՛ թուրք-ադրբեջանական տանդեմը: Նրանք, ովքեր զարմացան, թե Մեղրին ինչու տրվեց, Սյունիքի սահմանները հաստատագրվեցին, թե չհաստատագրվեցին, նրանց ես համարում եմ անուղղելի լավատեսներ, շատ լավ է լավատես լինելը, բայց շատ վատ է անուղղելի լինելը: Ես կարծում եմ, որ դրված է ոչ միայն Արցախի այն տարածքների խնդիրը, որոնք արդեն ուրվագծված են, այլ դրված է առհասարակ Արցախի խնդիրը, և Արցախը փրկվելու համար գերմարդկային ճիգեր պետք է գործադրի: Ինչպես Հայաստանում, այնպես էլ Արցախում նոմինալ իշխանություն կա, դե ֆակտո իշխանություն չկա, պետականությունը, իբրև այդպիսին, մնացել է գիտակցության մեջ, իրականությունից բացակայում է, և այս իմաստով այն պետությունները, որոնք պետականությունից զրկվելու ընթացքի մեջ են, իշխանություններն էլ այս բնույթի ապաշնորհ են, դեռ ոչինչ, բայց որ դաշնակից են թշնամիների հետ, այ սա շատ սարսափելի է: Այս իշխանությունները եթե մնան, երկու տեղում էլ՝ և՛ Արցախում, և՛ Հայաստանում, երկիրն անկասելիորեն կվերջանա»,- ասաց Սրապիոնյանը:

Երեկ եռակողմ հանդիպումից հետո տրված ճեպազրույցում Իլհամ Ալիևը հայտարարեց, որ Արցախի հարցն այլևս լուծված է, իսկ Նիկոլ Փաշինյանը պնդեց հակառակը, որ Արցախի կոնֆլիկտը դեռ չի լուծվել: Սերժ Սրապիոնյանը պնդեց, որ Նիկոլ Փաշինյանը մանիպուլյացիաների վարպետ է և ձևախեղում է ցանկացած ուղիղ ասված միտք:

«Սա հատուկ տեխնոլոգիա է, ուղիղ ասված միտքը միշտ մարդուն դնում է դժվարին երկընտրանքի առաջ, մարդը մտածում է՝ այդ ուղիղ ասվածի տակ ի՞նչ ներքին ծուղակներ են նախապատրաստված: Ալիևի տեսակը երբեք դա չի թաքցրել, սա առաջին անգամը չէ ասում, որ Արցախի խնդիրն իրենց համար լուծվելու է ռազմական ճանապարհով, և արդեն 3-րդ անգամ պատերազմից հետո կրկնում է, որ Արցախի խնդիրն այլևս անցյալում է: Այս նախադասությունն առաջինն արտասանեց մեր դաշնակիցը, որին մենք նեղացրել էինք, հասցրել էինք այնտեղ, որ որևէ վստահություն չուներ մեր նկատմամբ, և նա ասաց, որ Արցախյան խնդիրը պետք է լուծվի այնպես, որ նա մնա անցյալում: Սա նաև Էրդողանի միտքն է: Նոր բան Ալիևը չի ասել, արձանագրել է փաստը: Մեր ռազմաքաղաքական պարտության արդյունքներն ամփոփել է Ալիևը, այն, ինչ ասում էր Փաշինյանը կարգավիճակի մասին, հերթական մանիպուլյացիան է, քանի որ Արցախի կարգավիճակի մասին Ալիևից ուղիղ ոչ ոք չի ասել: Սա Նիկոլ Փաշինյանին հասցեագրված ակնկարկ էր»,- ասաց Սրապիոնյանը:

Նա ընդգծեց, որ Ալիևը խոսում է Արցախի մշակութային ինքնավարության մասին, մինչդեռ նախկինում լայն ինքնավարության մասին էր խոսվում: Սրապիոնյանի խոսքով՝ Նիկոլի Փաշինյանն օր առաջ պետք է հեռանա:

«Ճիշտ են բոլոր այն քաղաքագետները, վերլուծաբանները, որոնք գտնում են, որ Նիկոլ Փաշինյանի յուրաքանչյուր օր վարչապետի աթոռին բազմելը հղի է Հայաստանի համար ավելի լուրջ վտանգներով, քան արևմտյան եվրոպաներում, թուրքիաներում, ադրբեջաններում, այլ կառավարությունների գաղտնի նիստերում որոճացվող ծրագրերն ընդդեմ Հայաստանի»,- ասաց նա:

Երեկ Նիկոլ Փաշինյանը նաև հայտարարեց, որ բանակցությունների արդյունքում հնարավոր չի եղել լուծել գերիների հարցը, մինչդեռ մինչև հանդիպման մեկնելը պնդում էր, որ իր համար ամենակարևոր հարցը դա է: Սերժ Սրապիոնյանի խոսքով՝ Նիկոլ Փաշինյանը գերիների հարցը ևս օգտագործեց:

«Նա շատ լավ գիտի, որ այսօր ամենանրբին տեղը որդեկորույս ծնողի սիրտն է, անհայտ կորածի ծնողի սիրտն է, զոհվածի ծնողի սիրտն է, և նա փորձեց խաղալ այդ լարերի վրա, սրբություն, որպես այդպիսին, այս մարդու համար գոյություն չունի: Նիկոլից լավ որևէ մեկը չգիտեր, որ Ալիևը գերիների հարց չի քննելու ու թույլ չի տալու, որ մտնի օրակարգ, եթե մի մարդ կար, որ դա 100 տոկոսով գիտեր, դա Նիկոլն  էր, մնացածները կասկածում էին, հույսեր կային Ռուսաստանի հետ կապված»,- ասաց Սրապիոնյանը:

Նա խոսքով՝ սա կարելի էր ակնկալել արդեն այն պահից հետո, երբ Նիկոլ Փաշինյանն Ադրբեջանին հանձնեց երկու հանցագործների:

«Ինձ համար պարզ էր, որ գերիների հարցը վիրավորված հոգիների հետ խաղալու նիկոլյան լավագույն խաղաքարտն էր, և նա դա օգտագործեց, զարմանալի անմեղ դեմքով,  հեռուստաէկրաններից նայելով, ասաց՝  մեզ չհաջողվեց գերիների հարցը լուծել, այդ իրեն չհաջողվեց գերիների հարցը լուծել, որովհետև եթե նա պահեր այդ երկու ահաբեկիչներին, ապա դրանց դիմաց ինչ-որ բան կպահանջեր: Ինձ հարցնում են՝ իսկ Ալիևն ի՞նչ շահ ունի այդքան գերի կերակրելու համար: Եթե մի երկրի Պաշտպանության նախարար հայտարարում է, որ գերիների թվի խնդիրը ռազմական գաղտնիք է, ապա հաշվեք, որ այդ երկրի բանակը քայքայման արագացող ընթացքի մեջ է, որովհետև այդպիսի ռազմական գաղտնիք չի լինում, որովհետև պահանջելու իրավունք չունեն, որ Ալիևն ասի, թե քանի գերի կա»,- ասաց Սրապիոնյանը:

Նա նաև պնդեց, որ գործող իշխանությունը  սարսափում է գերիների վերադարձից և անհետ կորածների գտնվելուց, քանի որ նրանք շատ բան գիտեն և շատ բան կարող են պատմել:

«Թող դատ բացեն իմ դեմ, Նիկոլ Փաշինյանի վարչակազմը երբեք լրջորեն չի զբաղվելու ո՛չ անհայտ կորածների, ո՛չ գերիների հարցերով, դա ամենաքիչը շահեկան է Նիկոլի և իր վարչակազմի համար»,- ասաց մեր զրուցակիցը:

Սրապիոնյանը նաև նշեց, որ հանդիպման ժամանակ Փաշինյանն իր ափսեի մեջ չէր և թողնում էր անճարակի տպավորություն: Նրա պնդմամբ՝ բանակցողը պետք է փոխվի, որ կարողանանք ավելի շահեկան դիրքերից բանակցել:

«Դուք տեսե՚՞լ եք, որ պատերազմի ավարտից հետո նորից ոհմակների կուտակում և նորից հարձակում լինի պարտված երկրի վրա, այդպիսի բան չի եղել, հիմա նախապատրաստվում է թուրքերի, ադրբեջանցիների միջոցով, ճանապարհներ կառուցելու միջոցով՝  արագ զենք-զինամթերք տեղափոխելու հույսով: Նախապատրաստվում է Հայաստանի վերջնական ոչնչացումը, պետք է լինի մեկը, որն ի լուր աշխարհի հպարտորեն կարողանա հայտարարել, թե «որտեղ են ձմեռում խեցգետինները», որ ցույց տա, թե ինչպես պետք է անել, որ փրկվեն «խեցգետինները», դա կարող է լինել Հայրենիքի փրկության շարժման միասնական թեկնածու Վազգեն Մանուկյանը, ում հմտությունների վրա ես չեմ կասկածում, կարող է լինել մեկ ուրիշը, որի տեղը չգտենք, բայց հայտնվի, հանկարծ հասկանանք, որ սա նա է, ում սպասում ենք»,- ասաց Սրապիոնյանը:

Հետևեք մեզ Telegram-ում
Հետևեք մեզ YouTube-ում
Websiite by Sargssyan
Հետևեք մեզ Facebook-ում https://www.facebook.com/zham.am.armenia/a>