Ահմադինեջադը կարծում է, որ ԱՄՆ-ն կկորցնի միջազգային ազդեցությունը Սիրիայում պատերազմի պատճառով

Ճգնաժամը Սիրիայում կհանգեցնի ԱՄՆ միջազգային հեգեմոնիայի կործանմանը, գտնում է Իրանի նախկին նախագահ Մահմուդ Ահմադինեջադը, որը մտադիր է մասնակցել երկրում կայանալիք նախագահական ընտրություններին: Հաղորդում է ՌԻԱ Նովոստին:

Վաղ Ահմադինեջադը գրանցվել էր որպես նախագահի թեկնածու՝ մասնակցելու Իրանում թվով 12-րդ նախագահական ընտրություններին, որոնք պետք է կայանան մայիսի կեսերին:

Սակայն ներկայում Ահմադինեջադը սպասում է նրա թեկնածության հաստատմանը Սահմանադրության պահապանների խորհրդի կողմից, որը նրան թույլ կտա մասնակցել ընտրություններին:

-Ես մտածում եմ, պարոն Թրամփը պատերազմի ճանապարհն է ընտրել, չնայած սեփական ժողովրդին տրված խոստմանը: Վաղ ասել եմ ու նորից կրկնում եմ. այդ պատերազմն անպայման կհանգեցնի ԱՄՆ-ի հեգեմոնիայի անկմանը աշխարհում: Վստահ եմ, որ առկա են բազում պատճառներ, որոնց մասին ես մեկ ուրիշ ժամանակ կպատմեմ, - հայտարարեց Ահմադինեջադը Euronews հեռուստաալիքին տված հարցազրույցում, մեկնաբանելով ապրիլի 4-ին ԱՄՆ-ի կողմից սիրիական ավիաբազայի ուղղությամբ հասցված հրթիռային հարվածը:

Zham.am