Haberturk. Ռուսներն Արցախում առաջ են անցել Թուրքիայից ու հիմա թելադրում են իրենց պայմանները, իսկ Հայաստանը կարող է ավելացնել ուժերը կոնտրստրատեգիայի համար

Թուրքական «Haberturk»-ը հոդված է հրապարակել, որում նշվում է, որ «նախորդ տարվա սեպտեմբերի 27-ին մեկնարկած և վեց շաբաթ շարունակվող պատերազմի արդյունքներից գոհ չէ հակամարտող կողմերից և ո՛չ մեկը։ Սակայն ռուս խաղաղապահներն առաջ անցան թուրքական բանակից և այժմ իրենց պայմաններն են թելադրում։ 

Հրադադարում, որը ձեռք է բերվել Ռուսաստանի միջնորդությամբ Արցախում 44-օրյա պատերազմի արդյունքներով, դատելով ամենից, նոր շրջափուլ է առաջ գալիս։

Առաջին փուլում ապահովվել է Ադրբեջանին յոթ շրջանների վերադարձը և Շուշի քաղաքը, ինչպես նաև ռուս խաղաղապահների տեղակայումը Արցախի հողի վրա։ Դրա հետ մեկտեղ Լաչինի միջանցքը նույնպես վերահսկում է ռուսների կողմից։ 

Իսկ այժմ սկսվում է  9 կետից բաղկացած հրադադարի մասին համաձայնագրի իրագործման ավելի բարդ փուլը։ Սրա հետ կապված առաջ է գալիս խիստ կարևոր գործընթաց, որը կորոշի՝ կվերածվի արդյոք հրադադարի մասին համաձայնագիրը, որը ներառում է հնգամյա շրջանը, մշտական և վերջնական պայմանավորվածությունների։ 

Մինչ այս համաձայնագիրը ռուսական զինուժը չէր գտնվում անմիջապես Արցախում։ Չնայած, հաշվի առնելով վերջին շրջանում Կրեմլի քայլերը, Ռուսաստանն իր զինուժով ներկա էր հակամարտության գոտում, որը համարում էր իր ազդեցության գոտին։ Այժմ ռուսներին դա հաջողվեց և զգալի զորախումբ ուղղելով, նրանք իրենց ազդեցությունն են ավելացնել «հողի վրա»։ Այդպիսով նրանք կարևոր դեր են ստանձնել համաձայնագրի ապահովման և կայունության գործում։ 

Պայմանավորվածությունների իրագործման երկրորդ փուլում անորոշության ու չկարգավորված լինելը Արցախում կարող է ատելություն ու թշնամանք առաջացնել Հայաստանի մոտ։ Իսկ միջնաժամկետ հեռանկարում հավանականություն կառաջանա այն բանի, որ հայերն այդ հրադադարը կվերածեն նոր կոնտրստրատեգիայի համար ժամանակ տնտեսելու։ 

Zham.am