Ադրբեջանի կողմից գերեվարվել են մոտ մոտ 10 կին, այս պահին Հայաստան են վերադարձել 5-ը. Սահակյան

Ադրբեջանի կողմից գերեվարվել է մոտ 10 կին, որոնցից վերադարձվել է 5-ը, մյուսները շարունակում են մնալ Ադրբեջանում։ Այս մասին «Փաստինֆո»-ի հետ զրույցում ասաց իրավապաշտպան Սիրանուշ Սահակյանը՝ չբացառելով, որ գերեվարված կանանց թվաքանակը ստուգողական, վերլուծական աշխատանքների արդյունքում ավելանա։

Նրա փոխանցմամբ՝ Ադրբեջանի կողմից գերեվարված կանայք հիմնականում պատկանում են բարձր տարիքային խմբին, սակայն կան նաև միջին տարիքային խմբին պատկանող կանայք։

Ինչ վերաբերում է գերեվարման հաստատված դեպքերի ընդհանուր թվին, ապա իրավապաշտպաններ Սիրանուշ Սահակյանի և Արտակ Զեյնալյանի կողմից ՄԻԵԴ ներկայացված դիմումների թիվը 80 է, սակայն գերեվարման հաստատված դեպքերի թիվն ավելի մեծ է, այս պահին այն գերազանցում է 100-ը։ Ընդ որում՝ դրանք անվիճելի գերեվարման դեպքեր են։ Բացի դա՝ կան գերեվարման կանխավարկածներ այլ անձանց առնչությամբ, որոնց թիվն անհամեմատ մեծ է և անվիճելի խմբի խնդիրները լուծելուց հետո բոլոր ռեսուրսները կկենտրոնացվեն վիճելիություն ունեցող դրվագների։

ՄԻԵԴ ներկայացված 80 դիմումներով ՄԻԵԴ-ը կիրառել է միջանկյալ միջոցներ, սակայն այդ թվին պետք է ավելացվեն նաև ՄԻԵԴ-ում ՀՀ ներկայացուցչության կողմից ներկայացված դիմումները, հետևապես, ընդհանուր առմամբ թիվն ավելի մեծ է։ Ինչ վերաբերում է ՄԻԵԴ ներկայացված հիմնական գանգատներին՝ Սահակյանը նշեց, որ շուրջ երեք տասնյակ դեպքով գանգատների ներկայացումն արդեն ավարտվել է և այժմ սպասվում է կոմունիկացիան։

«Հաշվի առնելով, որ գործերին տրվել է առաջնահերթություն, ակնկալվում է, որ սեղմ ժամկետներում գործերը կքննվեն դատարանի կողմից»,- ասաց նա։

Մանրամասները՝ «Փաստինֆո»-ի տեսանյութում