«Ալիեւ-Փաշինյան» ուղիղ կապը առ այսօր պահպանվո՞ւմ է

Zham.am-ի` իշխանություններին մոտ կանգնած աղբյուրներից ստացած հավաստի տեղեկությունների համաձայն՝ մինչ օրս «Ալիեւ-Փաշինյան» ուղիղ կապը շարունակում է գործել: Ըստ այդ աղբյուրների` այս փաստը զարմացրել է շատ բարձրաստիճան պաշտոնյաների, ովքեր իրենց գործողություններում առնչվում են այս խնդրի հետ: 

Երբ պաշտոնյաներից մեկը փորձեց այս հարցի վերաբերյալ պարզաբանում ստանալ անձամբ Փաշինյանից, վերջինս արհամարհական տոնով խուսափեց պատասխանել հարցին:

Անհավատալի է, բայց, ըստ էության, մինչ այժմ` նմանատիպ արդյունքներով պատերազմից հետո, երբ Ադրբեջանում բոլոր մակարդակներում ծաղրում են Նիկոլին, Փաշինյանը հարկ է համարում պահպանել կապն իրեն անձամբ ամենից շատ ծաղրողի հետ:

Եվ ինչպե՞ս ենք այսքանից հետո դեռ շարունակում ասել, որ զարմանում ենք, որ պատերազմ է եղել, որ պատերազմն այդպիսի արդյունքներ է ունեցել...

Ուղղակի ամոթ է, որ այն ազգը, որը 100 տարի առաջ վերապրեց 1915-ի Ցեղասպանությունը, դեռ շարունակում է հանդուրժել, որ Նիկոլ Փաշինյանի նման մարդը շարունակում է ղեկավարել երկիրը:

Zham.am