Պետք է վերջ դրվի Արցախ այցելություններին. Ալիևը սպառնացել է ՀՀ իշխանություններին
Ադրբեջանի նախագահ Իլհամ Ալիևը սպառնացել է ՀՀ իշխանություններին՝ Արցախ այցելությունների համար։
«Հայաստանի Արտաքին գործերի նախարարը գնացել է Ստեփանակերտ։ Ի՞նչ ես այնտեղ անում։ Թո՛ղ չմոռանան պատերազմը։ Թո՛ղ չմոռանան, որ երկաթե բռունցքը տեղում է։ Զգուշացնում եմ, եթե նորից նման սադրիչ քայլեր ձեռնարկվեն, Հայաստանն էլ ավելի կփոշմանի դրա համար։
Ռուսաստանի կառավարության ներկայացուցիչներից բաղկացած պատվիրակությունը, վերջերս Հայաստան և Ադրբեջան կատարած այցի շրջանակներում, բանակցություններ է վարել այդ թեմայի շուրջ։ Լավ է, եթե հարաբերությունները լավանում են, ապա ինչի՞ են պետք այդ սադրիչ «այցերը»։ Ի՞նչ են ուզում դրանով ասած լինել։ Թո՛ղ չմոռանան, որ նման սադրիչ քայլերը թանկ նստեցին նրանց վրա։ Դրա համար պետք է վերջ դրվեն բոլոր այցերին։ Արտասահմանի ո՛չ մի քաղաքացի չի՛ կարող առանց մեր թույլտվության այցելել այդ տարածքներ...», - ասել է նա և հավելել, եթե նման քայլերը շարունակվեն, պատասխանը կոշտ է լինելու։
«Նրանք չպետք է այնտեղ գնան, թո՛ղ նստեն իրենց երկրում», - եզրափակեց նա։
Zham.am
Հետևեք մեզ Facebook-ում