Բաքվի բռնապետի քարոզչամեքեման հայտնի հնարք ունի՝ «վիճելի» պատմական հարցերում պատմությունը սկսել իրեն ձեռնտու ժամանակաշրջանից

Ուրեմն, Բաքվի բռնապետի քարոզչամեքենան հայտնի հնարք ունի՝ «վիճելի» պատմական հարցերում պատմությունը սկսել իրեն ձեռնտու ժամանակաշրջանից։ 

Ասենք, Որտվատի (Օրդուբադ) պատմությունն, ըստ այդ «տրամաբանության», պետք է սկսել ոչ թե Գողթան գավառի, այլ այդտեղ գոյություն ունեցած Իրանի մաս խանության ժամանակներից, երբ Շահ Աբբասի՝ հայության բռնագաղթից հետո թյուրքալեզու ցեղերը լայնորեն ներթափանցել էին հազարամյակներ շարունակ հայ բնակչություն ունեցած բնակավայրեր՝ նաև աղճատելով դրանց բնիկ անվանումները։ 

Եթե նողկալի չլիներ, ապա զավեշտալի կդիտեի այն, որ մեզանում էլ հիմա ոմանք, նույն բանն անում են, դիցուք, Շուռնուխի պարագայում՝ «մոռանալով», օրինակ, որ Շոռնոխո գյուղը հիշատակվում է այստեղ թյուրքալեզու տարրի ներթափանցումից դարեր առաջ՝ որպես մեր եկեղեցու Սյունյաց աթոռին հարկատու հնամենի հայկական բնակավայր; 

Իրոք ողբերգություն է, թե ինչպես է մեր երկրից ոչ միայն վերանում, Ղևոնդ Ալիշանի խոսքերով, «նշույլ ազատության և արիական գործոց», այլ նաև դրա համար սկսում են բերել «հիմնավորումներ»։ 

#չՀայաստանը

Իրանագետ Վարդան Ոսկանյանի ֆեյսբուքյան էջից