Անհայտ անձը թափանցել է Ճապոնիայի կայսերական ընտանիքի նստավայրի տարածք

Անհայտ անձը թափանցել է Ճապոնիայի կայսերական ընտանիքի Ակասակա նստավայրի տարածք եւ այնտեղ է մնացել մոտ 2 ժամ, հայտնել է Fuji հեռուստաալիքը:

Շաբաթ տեղական ժամանակով 22-ի սահմաններում տղամարդը թափանցել է Ակասակա նստավայրի տարածք, որտեղ ներկայումս բնակվում են Նարուհիտո կայսրը՝ կնոջ ու դստեր հետ եւ կայսերական ընտանիքի այլ անդամներ: Շուրջ 2 ժամ հետո ոստիկանները նրան հայտնաբերել են 97-ամյա արքայադուստր Յուրիկո Միկասայի տան մոտ՝ ներկայիս կայսեր տատիկի քրոջ, որը կայսերական ընտանիքի ամենածեր անդամն է. արքայադուստրը ծնվել է Թայսյոյի կառավարման տարիներին, այսինքն՝ կայսեր նախապապիկի օրոք:

Տղամարդը, որը 29 տարեկան է, ձերբակալվել է ապօրինի ներթափանցման կասկածանքով:

Ձերբակալվածն իր քայլը բացատրել է «կայսերական ընտանիքի հետ տեսնվելու ցանկությամբ»:

Ամեն տարի հունվարի 2-ին Ճապոնաիայի կայսրը դուրս է գալիս հպատակների առջեւ եւ նրանց դիմում ամանորյա ողջույնի ելույթով: Հանուն դրա առավոտից բացում են կայսերական պալատի պալատական հրապարակի մուտքը: Սակայն այս տարի կորոնավիրուսի համավարակի պատճառով որոշվել էր հրաժարվել այս ավանդույթից, եւ կայսր Նարուհիտոն ժողովրդին դիմել էր ոչ թե անձամբ, այլ տեսաուղերձի միջոցով: 

Zham.am