Մի պահ մոռացեք սեփական բարեկեցության մասին ու նայեք դեպի Սյունիք...Փրկեք Սյունիքը․․․

Այստեղ` Զանգեզուրում, երկինքն այնքան մոտ է, որ ձեռքդ մեկնես, երկնքից աստղ կպոկես։ Տարբեր դարերում հենց Սյունիքում է լուծվել Հայաստանի լինել-չլինելու հարցը։ Եվ ոչ միայն։

 

Եթե չլիներ հայկական հողի այդ նեղ սեպը` խրված հայկական հողի մեջ, բայց օտարի իշխանության տակ գտնվող, ապա մարդկության, նրա քրիստոնեական մասի պատմությունը կընթանար բոլորովին այլ ճանապարհով։

 

Այս լեռներն ու հողն են ծնել Դավիթ Բեկ ու Մխիթար Սպարապետ, Ակսել Բակունց, Սերո Խանզադյան, Սուրեն Այվազյան, գուսան Աշոտ` անհատներ, որոնք ձևավորել են ժամանակակից ազգային գիտակցությունն ու գաղափարը։

 

Չգիտեմ արդեն, թե որերորդ անգամն եմ կրկնում, որ Սյունիքը վտանգված է։ Մի պահ մոռացեք սեփական բարեկեցության մասին ու նայեք դեպի Սյունիք...Նայեք Սյունիքին հայի աչքերով ու հայի հոգով...Փրկեք Սյունիքը՝ ողնաշարը Հայաստանի...Այլապես, ինչպես Նժդեհն է ասել՝

 

«Անիծված լինի սեփական բարեկեցության կրոնը` մեր ժողովրդի բոլոր անցյալ և ներկա աղետների աղբյուրը»։