Արցախի ևս 6 ընտանիք ապահովվեց բնակարանով. Մանե Թանդիլյան

29 Դեկտեմբեր, 2020 16:38

Դիտել նաև

«Մեր Շուշին որպես երդում պիտի լինի ամեն հայի սրտում». Մանե Գրիգորյանը Շուշիից լուսանկարներ է հրապարակել «Այսօր վերջին հրաժեշտը տվեցինք Դավիթին՝ քառօրյայից հետո նաև 44-օրյայի մասնակից մորաքրոջս տղային». Մանե Գրիգորյան Ընտրություններում ձախողված Մանե Թանդիլյանը ՌԴ դեսպանատան մոտ «Ռուսաստանը թշնամի է» կարգախոսներով ցույցի էր մասնակցել. Լուսանկարներ «Այսօրվանից պաշտոնապես հանդիսանում եմ Երգի պետական թատրոնի տնօրենը»․ Մանե Գրիգորյան Մանե Թանդիլյանը նախազորակոչային տարիքում գտնվող որդիներին հեռացրել է Հայաստանից

Արցախի աշխատանքի, սոցիալական և բնակարանային հարցերի նախարար Մանե Թանդիլյանը ֆեյսբուքյան իր էջում գրել է.

«Թվով ևս 6 ընտանիքի, ում նկատմամբ մենք նախկինում պարտավորություն ենք ստանձնել բնակարանային ապահովում իրականացնելու, կարողացանք կացարանով ապահովել այս տարի, չնայած ծանրագույն վիճակին, որում հայտնվել է Արցախը՝ էլ ավելի սրված կացարանային խնդիրներով։

Նախարարությունը ջանք չի խնայում անհատական մոտեցում ցուցաբերելու և քաղաքացիներին առաջարկներ անելու՝ ըստ իրենց հատուկ կարիքների։

Հարգելի արցախցիներ, գիտենք, որ առկա է կացարանային լուրջ խնդիր։ Հավատացնում եմ, որ համագործակցելով տարբեր գերատեսչությունների հետ, փորձելու ենք առավելագույնն անել հնարավորինս սեղմ ժամկետներում գտնել կացարանային խնդիրների արդյունավետ լուծում՝ ըստ առաջնահերթությունների և կարիքի։

Մինչ այդ շարունակում ենք ժամանակավոր լուծումներ առաջարկել՝ վարձակալական վճարների փոխհատուցման միջոցով։ Սակայն խնդիրը մեր ամենօրյա ուշադրության և աշխատանքի տիրույթում է։

Հայցում եմ ձեր համագործակցությունն ու համբերատարությունը»։