Մեկ տասնյակի հասնող պատգամավորների 50 հազարական դոլար գումար են տվել, որպեսզի չլքեն թիմը․ գումարը Հայաստան համահայկական հիմնադրամի հաշվի՞ց է եղել

Politik.am-ը գրում է.  Մեր նախորդ մի քանի հրապարակումներում մենք ադրադարձ կատարել էինք իշխանությունների ներսում առկա անվստահության մթնոլորտին։ 

Փաշինյանի համար առաջին անվստահելիները եղել են իր պատգամավորներից մի քանիսը, որոնց թիվը հասել է մեկ տասնյակի։ Իշխանությունները ամեն բան արել են, որպեսզի տատանվող պատգամավորներին  համոզեն մնալ թիմի հետ։

Politik.am-ի Իշխանական աղբյուրների փոխանցմամբ, այդ պատգամավորներից յուրաքանչյուրին տրվել է 50 հազարական դոլար, որպեսզի նրանք պահպանեն լոյալությունը Նիկոլ Փաշինյանի նկատմամբ։

Politik.am-ը  հարցումներ է ուղարկել նշված պատգամավորներին, որոնց պատասխանները ստանալուց հետո կհարապարակենք նաև իրենց անունները։

Փորձեցինք նաև զրուցել վարչապետի մամուլի խոսնակ Մանե Գևորգյանի հետ` պարզելու համար, թե որքանով են ճիշտ այս տեղեկությունները և արդյո՞ք հավաստի են այն տեղեկությունները, որ գումարները փոխանցվել են Հայաստան Համահայկական հիմնադրամի հաշվից։ Մանե Գևորգյանի հետ կապ հաստատել չհաջողվեց։ Գրավոր հարցման պատասխանը ստանալու դեպքում այն ևս կհրապարակենք։