Լինելով հանրության մեջ ատելություն սերմանելու վարպետ, ՆՓ-ն ձեռի հետ էլ գերիների ու անհետ կորած զինվորների հարազատներին լարում է իրեն քննադատողների դեմ

Պատերազմի այն պահից, երբ իշխանությունը հասկացավ, որ խայտառակ կերպով տանուլ է տվել պատերազմը, հայտնի ՊՈԱԿ-ի կողմից նոյեմբերի 4-ին կազմակերպվեց հանրային քննարկում՝ «Հնարավոր էր արդյոք խուսափել պատերազմից» թեմայով։

 

Իշխանությունը որոշել էր մեծ քարոզչություն սկսել՝ հանրությանը համոզելու, որ ոչ մի կերպ հնարավոր չէր կանխել պատերազմը։ Իսկ եթե հնարավոր չէր՝ ուրեմն պետք է հանձնվեինք Ալիևին, իսկ չհանձնվել չէինք կարող, քանի որ նախկինները 30 տարի թալանել էին երկիրը։ Իսկ ՆՓ-ն իր հանճարեղ քաղաքականությամբ մի կերպ կարողացավ փրկել այն ինչ իբր փրկեց։

 

ՆՓ-ի այսօրվա գրառումը, ըստ էության նոյեմբերի 4-ին սկսված, սակայն ընդհատված քարոզության շարունակությունն է։ Նրա ասելիքը հետևյալն է՝ մենք որևէ շանս չունեինք հաղթելու, քանի որ 26 տարի պարտվում էինք։ Ես էլ 2,5 տարվա չհասցրեցի դեմն առնել։

Լինելով հանրության մեջ ատելություն սերմանելու վարպետ, ՆՓ-ն ձեռի հետ էլ գերիների ու անհետ կորած զինվորների հարազատներին լարում է իրեն քննադատողների դեմ։