Պուտինն արգելել է Անվտանգության խորհրդի անդամներին երկքաղաքացիություն եւ հաշիվներ ունենալ արտերկրում

Ռուսաստանի Դաշնության Նախագահ Վլադիմիր Պուտինը հրամանագիր է ստորագրել, ըստ որի երկքաղաքացիություն եւ արտասահմանում հաշիվներ ունեցողները չեն կարող ՌԴ Անվտանգության խորհրդի անդամ լինել: Փաստաթուղթը հրապարակվել է երկուշաբթի` դեկտեմբերի 28-ին, իրավական տեղեկատվության պաշտոնական կայքում:

Փաստաթուղթը մի շարք փոփոխություններ է մտցնում Անվտանգության խորհրդի կանոնակարգերի եւ Անվտանգության խորհրդի ապարատի մասին կանոնակարգերի մեջ, փոխանցում է «Իզվեստիա»-ն:

Հոկտեմբերի վերջին Պետդումայի պատգամավորները երրորդ ընթերցմամբ աջակցություն էին հայտնել Ռուսաստանի Դաշնության նախագահի կողմից ներկայացված օրենքների բլոկին, որոնք ուղղված էին անվտանգության եւ ինքնիշխանության ամրապնդմանը:

Նորացված Սահմանադրության համաձայն` փաստաթուղթը հստակեցնում է «Անվտանգության մասին» օրենքի մի շարք դրույթները, որոնք կարգավորում են անվտանգության ոլորտում միջազգային համագործակցության խնդիրները, Դաշնության խորհրդի լիազորությունները, Անվտանգության խորհրդի կարգավիճակը եւ խնդիրները:

Օրենքում այդ թվում նաեւ հստակեցվում էին Անվտանգության խորհրդի կարգավիճակն ու խնդիրները: Դա ինքնիշխանության, անկախության եւ պետության ամբողջականության պաշտպանություն է, ներքին եւ արտաքին սպառնալիքների կանխարգելումը, Ռուսաստանի տարածքի մի մասի օտարմանն ուղղված գործողությունների, ինչպես նաեւ նման գործողությունների կոչերի կանխումը:

 Zham.am