Այսօր կկայանա Փաշինյան-Ծառուկյան հանդիպումը
«Հրապարակի» տեղեկություններով, «Բարգավաճ Հայաստան» կուսակցությունն արձագանքել է Նիկոլ Փաշինյանի առաջարկությանը և որոշել է մասնակցել քաղաքական խորհրդակցություններին։
«Այսօր Գագիկ Ծառուկյանն ու ԱԺ ԲՀԿ խմբակցության ներկայացուցիչները հանդիպելու են Նիկոլ Փաշինյանի հետ՝ քննարկելու երկրում ստեղծված իրավիճակը։ Կողմերից յուրաքանչյուրն իր օրակարգով է մասնակցելու այդ հանդիպմանը։
Նիկոլ Փաշինյանը որոշել է իր կողմը գրավել երկրի երկրորդ քաղաքական ուժին, ուստի մտադիր է առաջարկել Համաձայնության կառավարություն ձևավորել՝ ԲՀԿ-ի մասնակցությամբ, որտեղ ընդդիմադիր երկրորդ ուժը կունենա մի քանի նախարարական պորտֆել և ընտրությունների ժամանակ ավելի շահեկան ստարտային վիճակ։ Ընդ որում՝ առաջարկելու է ստեղծել կոալիցիոն կառավարություն և դրանից հետո գնալ ընտրությունների՝ առաջիկա 6 ամսվա ընթացքում։ Իսկ Գագիկ Ծառուկյանն ասում է, որ մի օրակարգով է հանդիպում՝ հրաժարականի պահանջով։
Ընդ որում, Հայրենիքի փրկության ճակատի լիդերները քննարկել են այդ հանդիպման հարցը և կարծիքները բաժանվել են, որոշ ուժեր կտրականապես դեմ են նման հանդիպմանը, մյուսները՝ կողմ են, բայց միայն հրաժարականի հարցը քննարկելու համար»,-գրում է թերթը։
Մանրամասները՝ թերթի այսօրվա համարում
Հետևեք մեզ Facebook-ում